ପୁରୀ (ଓଡ଼ିଶା ରିର୍ପୋର): ଶ୍ରୀମନ୍ଦିର ସେବାୟତଙ୍କୁ ପ୍ରଦାନ କରାଯିବ ମାସ୍କ। ବୟନିକା କିମ୍ବା ଅନ୍ୟ SHG ସହ ମିଶି ମାସ୍କ ବ୍ୟବସ୍ଥା କରାଯିବ। ଶ୍ରୀମନ୍ଦିର ମୁଖ୍ୟ ପ୍ରଶାସକ କିଷନ କୁମାର ଆଜି ଏହି ସୂଚନା ଦେଇଛନ୍ତି।
ସେ କହିଛନ୍ତି ଯେ, ପ୍ରାୟ ୫ ହଜାର ମାସ୍କ ପ୍ରସ୍ତୁତ କରାଯିବ। ୨ ଦିନ ଭିତରେ ମାସ୍କ ଡିଜାଇନ ଚୂଡ଼ାନ୍ତ କରାଯିବ। ସେବାୟତଙ୍କ ସୁରକ୍ଷା ଆମ ଦାୟିତ୍ୱ।
ଶ୍ରୀମନ୍ଦିର ମୁଖ୍ୟ ପ୍ରଶାସକ ଆହୁରି କହିଛନ୍ତି ଯେ, ଶ୍ରୀମନ୍ଦିର ସେବାୟତଙ୍କୁ ଦ୍ୱିତୀୟ କିସ୍ତି ଟଙ୍କା ମିଳିବ। ପ୍ରଥମ କିସ୍ତି ଭଳି ଦ୍ୱିତୀୟ କିସ୍ତିରେ ୫ ହଜାର ଲେଖାଏଁ ମିଳିବ।
ଆହୁରି ପଢ଼ନ୍ତୁ
ରଥ ନିର୍ମାଣ କାର୍ଯ୍ୟ ଚାଲୁ ରହିଛି। ଅଶା ଅଛି ରଥ କାର୍ଯ୍ୟକ୍ରମ ଚାଲୁ ରହିବ ବୋଲି କ୍ରିଷନ କୁମାର କହିଛନ୍ତି।
ଆଜି ସେବାୟତଙ୍କ ପ୍ରତିନିଧିଙ୍କ ସହିତ ବୈଠକ ପରେ ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରିଷନ କୁମାର ଆଜି ଏହା କହିଛନ୍ତି। ଏହା ସହ ରଥଯାତ୍ରା ହେବା ଆଶା ବଢ଼ିଛି।
ସୂଚନାଯୋଗ୍ୟ, କରୋନା ପାଇଁ ରଥ କାମ ବିଳମ୍ବରେ ଆରମ୍ଭ ହୋଇଥିଲା। ପରେ ରଥ ଯାତ୍ରା ହେବକି ନାହିଁ ସେ ନେଇ ମଧ୍ୟ ଦ୍ୱନ୍ଦ ସୃଷ୍ଟି ହୋଇଥିଲା।
