ବାଲିଗୁଡ଼ା (ଅଜିତ ନାୟକ): ସଙ୍ଗରୋଧ କେନ୍ଦ୍ରରେ ଯୁବତୀଙ୍କୁ ଅସଦାଚରଣ। ଏଭଳି ସାଙ୍ଘାତିକ ଅଭିଯୋଗ ଆସିଛି କନ୍ଧମାଳ ଜିଲ୍ଲା ଦାରିଙ୍ଗବାଡି ଥାନା ଅଞ୍ଚଳରୁ। ଏନେଇ ଅଭିଯୋଗ ହେବା ପରେ ପୁଲିସ ମାମଲା ରୁଜୁ କରି ଅଭିଯୁକ୍ତକୁ ଅଟକ ରଖି ପଚରାଉଚରା କରୁଛି।
ଆହୁରି ପଢ଼ନ୍ତୁ
ଦାରିଙ୍ଗବାଡ଼ି ସ୍ଥିତ ଡକ୍ଟର ବିଆର୍ ଆମ୍ବେଦକର ଛାତ୍ରୀନିବାସ ସଙ୍ଗରୋଧ କେନ୍ଦ୍ରରେ ୨୯ ଜଣ ପ୍ରବାସୀଙ୍କୁ ରଖାଯାଇଥିଲା। ଆଉ ବିଳମ୍ବିତ ରାତିରେ ଦୁଇ ଜଣ ଯୁବତୀ ଶୌଚ ପାଇଁ ଶୈଚାଳୟକୁ ଯାଇଥିଲେ। ଏହି ସମୟରେ ପୂର୍ବରୁ ଛପି ରହିଥିବା ଜଣେ ପ୍ରବାସୀ ଶ୍ରମିକ ଜଣେ ଯୁବତୀଙ୍କୁ ଟଣାଓଟରା କରିଥିଲେ। ଯୁବତୀ ଜଣକ ପାଟି କରିବା ପରେ ଅଭିଯୁକ୍ତ ଯୁବକ ଜଣକ ଘଟଣା ସ୍ଥଳରୁ ଚମ୍ପଟ ମାରିଥିଲା। ଘଟଣା ସମ୍ପର୍କରେ ଯୁବତୀ ଜଣକ ଦାରିଙ୍ଗବାଡି ବିଡ଼ିଓଙ୍କୁ ଜଣାଇଲେ। ପରେ ପୁଲିସକୁ ଖବର ଦିଆଯାଇଥିଲା।
ଦାରିଙ୍ଗବାଡି ଥାନା ପୁଲିସ ପୀଡିତାଙ୍କ ଅଭିଯୋଗ କ୍ରମେ ମାମଲା ରୁଜୁ କରି ଅଭିଯୁକ୍ତ ଯୁବକକୁ ଅଟକ ରଖି ପଚରାଉଚରା କରୁଛି। ସଙ୍ଗରୋଧ କେନ୍ଦ୍ରରେ ଏଭଳି ଘଟଣା ସମ୍ପୃକ୍ତ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।
