ଅନୁଗୋଳ ( ବିରଜା ପ୍ରସାଦ ଦାଶ):ଅନୁଗୋଳ ସହର ଉପକଣ୍ଠ କରଡାଗାଡିଆରେ ଥିବା ମଦ ଭାଟି ଉପରେ ପୁଲିସ୍ ଚଢ଼ଉ କରି ୪୩ ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ ମଦ ବ୍ୟବସାୟୀ ବିକ୍ରମ ସାହୁ, ତାଙ୍କର ୧୨ ଜଣ କର୍ମଚାରୀ ଏବଂ କାରବାରରେ ସମ୍ପୃକ୍ତ ୩୦ ଜଣ ବ୍ୟବସାୟୀ।
ଆହୁରି ପଢ଼ନ୍ତୁ
ଚଢଉ ସମୟରେ ପୁଲିସ୍ ୪ହଜାର ୪୪୦ ଲିଟର ମଦ ସହ ୬ ହଜାର ଲିଟର ପାଉଚ୍ ଜବତ କରିଛି। ସେମାନଙ୍କ ନିକଟରୁ ୧୮ ଟି ବାଇକ, ୨୧ ଟି ମୋବାଇଲ ଫୋନ, ଗୋଟିଏ ଅଟୋ ଓ ଗୋଟିଏ କାର୍ ଜବତ କରିଛି।
ମିଳିଥିବା ସୂଚନା ଅନୁସାରେ, ଅନୁଗୋଳ ସହର ଉପକଣ୍ଠ କରଡାଗାଡିଆରେ ମଦ କାରବାର ହେଉଥିବା ପୁଲିସ୍ କୌଣସି ସୂତ୍ରରୁ ଖବର ପାଇଥିଲା। ଗତକାଲି ଏକ ଦେଶୀ ମଦଭାଟି ଉପରେ ପୁଲିସ୍ ଚଢାଉ କରିଥିଲା। ଲକ୍ଡାଉନ୍କୁ ନେଇ କଟକଣା ଜାରି ହୋଇଥିବା ସତ୍ତ୍ୱେ ମଦ କାରବାର ଚଲାଇଥିବାରୁ ପୁଲିସ୍ ଚଢାଉ କରିଥିଲା।
