ମୁମ୍ବାଇ: କରୋନା ଭାଇରସ ପାଇଁ ଦେଶରେ ଲାଗୁ ହୋଇଥିବା ଲକଡାଉନ ସମୟରେ ଅନେକ ପ୍ରେରଣାଦାୟକ ଭିଡିଓ ସବୁ ସାମ୍ନାକୁ ଆସୁଛି। ଏହିକ୍ରମରେ ମହାରାଷ୍ଟ୍ରର ନାଶିକରୁ ସମସ୍ତଙ୍କୁ ଆଶ୍ଚର୍ଯ୍ୟ କରିବା ଭଳି ଘଟଣା ଘଟିଛି। ନାଶିକ ପୁଲିସ୍ ପକ୍ଷରୁ ନବ ବିବାହିତ ଦମ୍ପତିଙ୍କୁ ସ୍ୱତନ୍ତ୍ର ଢଙ୍ଗରେ ସଲାମ କରାଯାଇଛି।
ଇନଷ୍ଟାଗ୍ରାମରେ ପୋଷ୍ଟ ହୋଇଥିବା ଭିଡିଓରେ ଜଣେ ପୁଲିସ୍ ଅଧିକାରୀ ଲାଉଡ ସ୍ପିକର ଜରିଆରେ ନୂଆ କରି ବିବାହିତ ହୋଇଥିବା ଦମ୍ପତିଙ୍କୁ ଶୁଭେଚ୍ଛା ଜଣାଉଛନ୍ତି। ଏହି ସମୟରେ ତାଙ୍କ ନିକଟରେ ଅନ୍ୟ ପୁଲିସ୍ କର୍ମଚାରୀମାନେ ମଧ୍ୟ ଛିଡ଼ା ହୋଇଛନ୍ତି।
ଦମ୍ପତି ନିଜ ବାଲକୋନୀରେ ବିବାହ ପୋଷାକ ପିନ୍ଧି ଛିଡ଼ା ହୋଇ ପୁଲିସ୍ର ଅଭିବାଦନକୁ ଗ୍ରହଣ କରିଛନ୍ତି। ଶେଷରେ ପୁଲିସ୍ ପକ୍ଷରୁ ଦମ୍ପତିଙ୍କ ପାଇଁ ବଲିଉଡ ଗୀତ ପରିବେଷଣ କରାଯିବା ସହ କର ତାଳି ମାରି ଶୁଭେଚ୍ଛା ଜଣାଇଛନ୍ତି।
ଆହୁରି ପଢ଼ନ୍ତୁ
ତେବେ ପୁଲିସ୍ କାହିଁକି ଏଭଳି ଅଭିନବ ଢଙ୍ଗରେ ଦମ୍ପତିଙ୍କୁ ଶୁଭେଚ୍ଛା ଜଣାଇଲା ଆପଣ ଭାବୁଥିବେ। ଏହି ଦମ୍ପତି କରୋନା ଲକଡାଉନ ଭିତରେ ବିବାହ କରିଥିଲେ ହେଁ କୌଣସି କଟକଣାକୁ ଉଲ୍ଲଙ୍ଘନ କରିନାହାନ୍ତି।
ଏପରି କି ସେମାନେ ଘର ମଧ୍ୟରେ ରହି ବିବାହ କାର୍ଯ୍ୟ ଶେଷ କରିଛନ୍ତି। ଏହି ଖବର ନାଶିକ ପୁଲିସ୍ ପାଇବା ପରେ ଉକ୍ତ ଦମ୍ପତିଙ୍କୁ ଶୁଭେଚ୍ଛା ଜଣାଇବା ପାଇଁ ପହଞ୍ଚିଥିଲା। ରାସ୍ତା ଉପରେ ରହି ପୁଲିସ୍ ସେମାନଙ୍କୁ ଏଭଳି ଭାବେ ଶୁଭେଚ୍ଛା ଜଣାଇଛି। ନାଶିକ ପୁଲିସର ଏହି କାରତାଳି ଓ ସ୍ୱତନ୍ତ୍ର ଶୁଭେଚ୍ଛା ଶୈଳୀକୁ ସିଏମଓ ପକ୍ଷରୁ ଶେୟାର କରାଯାଇଛି।
[ad_2]
