ସତ୍ୟଶିଖା ( ବୌଦ୍ଧ ) ୨.୦୯.୨୦୨୦ : ନୁଆ ପରିବହନ ନିୟମ ଲାଗୁ ପରେ ପୁଣି ଏକ ବଡ଼ ଚାଲାଣ କାଟିଛି ପରିବହନ ବିଭାଗ । 7 ଲକ୍ଷ 7 ହଜାର 230 ଟଙ୍କାର କଟିଛି ଚାଲାଣ । ଏଭଳି ଘଟଣା ସାମ୍ନାକୁ ଆସିଛି ବୌଦ୍ଧରୁ । ଏକ ଘରୋଇ ବସ୍ ବିରୋଧରେ କଟିଛି ଏହି ଚାଲାଣ । ବସ୍ର 6 ଲକ୍ଷ 74 ହଜାର 730 ଟଙ୍କା ଟିକସ୍ ପୈଠ ବକେୟା ରହିଥିଲା । ଫଳରେ ପରିବହନ ବିଭାଗ ହାତରେ ଧରା ପଡ଼ିବାରୁ ଏଭଳି ମୋଟା ଅଙ୍କର ଚାଲାଣ କଟିଛି । ପୂର୍ବରୁ ଏଭଳି ମୋଟା ଅଙ୍କର ଚାଲାଣ କଟାଯାଇନଥିଲା ।
ବୌଦ୍ଧ କଂଟାମାଳ ବ୍ଳକର ଘଂଟାପଡା ଠାରେ ଆଂଚଳିକ ପରିବହନ ବିଭାଗ ପକ୍ଷରୁ ଯାଞ୍ଚ କରଯାଉଥିବା ବେଳେ ଯାତ୍ରୀବାହୀ ବସ୍ ବୁଢ଼ିମା’ ଧରାପଡ଼ିଥିଲା । ତେବେ ପରିବହନ ବିଭାଗର ୭ଟି ନିୟମ ଉଲ୍ଲଂଘନ ଯୋଗୁଁ, ୭ ଲକ୍ଷ ୦୭ ହଜାର ୨୩୦ ଟଙ୍କାର ଚାଳାଣ କଟାଟାଇଥିବା ଜଣାପଡ଼ିଛି । ବିନା ଫିଟନେସ୍ ପାଇଁ ୫ ହଜାର, ଡ୍ରାଇଭିଙ୍ଗ ଲାଇସେନ୍ସ ନଥିବାରୁ ୫ ହଜାର, ଶବ୍ଦ ପ୍ରଦୁଷଣ ପାଇଁ ୧୦ ହଜାର, ପରମିଟ୍ ନଥାଇ ଗାଡି ଚଳାଇଥିବାରୁ ୧୦ ହଜାର, ବୀମା ନଥିବାରୁ ୨ ହଜାର, ନିୟମ ଉଲ୍ଲଙ୍ଘନ ଫାଇନ୍ ୫ ଶହ ଟଙ୍କା ଆଦି ଜୋରିମାନା ପଡ଼ିଛି ।
ଏହି ବସ୍ର ମାଲିକ ସୋନପୁର ଜିଲ୍ଲା ବିନିକାର ସଂଜୀବ ସାହୁ ବୋଲି ଜଣାପଡିଛି । ପୂର୍ବରୁ ମଧ୍ୟ ଏକ ଘରୋଇ ବସ୍କୁ ବୈାଦ୍ଧ ଆଂଚଳିକ ପରିବହନ ବିଭାଗ ପକ୍ଷରୁ ୬ଲକ୍ଷ ୭୨ହଜାର ୪୪୫ ଟଙ୍କାର ଫାଇନ କଟାଯାଇଥିଲା । ପ୍ରଶ୍ନ ଉଠୁଛି ପରିବହନ ବିଭାଗ କାହିଁକି ପୂର୍ବରୁ ଯାଞ୍ଚ କରୁନଥିଲା ? ଆଉ ଏବେ ଏଭଳି ଧରିବାର କ’ଣ ରହସ୍ୟ ରହିଛି ।
