ରେଳବାଇ କର୍ମଚାରୀଙ୍କୁ କରୋନା, ବନ୍ଦ ହେଲା ରେଲୱେ ଭବନ

ନୂଆଦିଲ୍ଲୀ: ଶାସ୍ତ୍ରୀ ଭବନ ପରେ ରେଳ ଭବନରେ ପ୍ରବେଶ କରିଛି କରୋନା। ରେଳ ଭବନରେ କାର୍ଯ୍ୟ କରୁଥିବା ଜଣେ କର୍ମଚାରୀ କରୋନାରେ ଆକ୍ରାନ୍ତ ହୋଇଛନ୍ତି। ଏହାକୁ ଦୃଷ୍ଟିରେ ରଖି ଦିଲ୍ଲୀରେ ଥିବା ରେଳ ଭବନକୁ ଆସନ୍ତା ୨ ଦିନ ପାଇଁ ସିଲ କରି ଦିଆଯାଇଛି।

କର୍ମଚାରୀଙ୍କ ସମ୍ପର୍କରେ ସରକାରଙ୍କ ପକ୍ଷରୁ ବିସ୍ତୃତ ସୂଚନା ଦିଆଯାଇନାହିଁ। ତଥାପି ସେ ଆରପିଏଫର କ୍ଲର୍କ ଭାବେ କାର୍ଯ୍ୟ କରୁଥିବା ଜଣାପଡ଼ିଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା, ସେ ମେ’ ୬ରୁ କ୍ୱାରେଣ୍ଟାଇନରେ ରହିଥିଲେ।

ବୁଧବାର ତାଙ୍କ ରିପୋର୍ଟ ପଜିଟିଭ ଆସିବା ପରେ ତାଙ୍କୁ କୋଭିଡ ୱାର୍ଡରେ ଭର୍ତ୍ତି କରାଯାଇଛି। ଏବେ ପୂରା ରେଳ ଭବନକୁ ସାନିଟାଇଜ କରାଯାଉଛି। ସେହିପରି କର୍ମଚାରୀଙ୍କ ସିଧାସଳଖ ସଂସ୍ପର୍ଶରେ ଆସିଥିବା ଲୋକଙ୍କୁ ମଧ୍ୟ ଟ୍ରାକ କରିବାକୁ ପ୍ରକ୍ରିୟା ଆରମ୍ଭ ହୋଇଛି।