ରାସ୍ତାରେ ପ୍ରବାସୀ ଶ୍ରମିକଙ୍କୁ ଅଟକାଇ ସମସ୍ୟା ବୁଝିଲେ ରାହୁଲ୍ ଗାନ୍ଧୀ

ନୂଆଦିଲ୍ଲୀ: ଲକଡାଉନ୍ ବେଳେ କଂଗ୍ରେସ ନେତା ରାହୁଲ ଗାନ୍ଧୀ ଆଜି ପ୍ରବାସୀ ଶ୍ରମିକଙ୍କୁ ରାସ୍ତାର ଭେଟି ତାଙ୍କ ସହ କଥା ହୋଇଛନ୍ତି। ହରିଆଣାରୁ ଚାଲିଚାଲି ଝାନସୀ ଅଭିମୁଖେ ଯାଉଥିବାବେଳେ ରାହୁଲ ଗାନ୍ଧୀ ସୁଖଦେବ ବିହାର ଫ୍ଲାଏ ଓଭରବ୍ରିଜ ନିକଟରେ ଭେଟିଥିଲେ ରାହୁଲ୍। ଏହାପରେ ରାହୁଲଙ୍କ ସମର୍ଥକମାନେ ତାଙ୍କ କାରରେ ପ୍ରବାସୀଙ୍କୁ ତାଙ୍କ ଘରକୁ ନେଇଯାଇଥିବା ସୂଚନା ରହିଛି।

ଏବେ ଏହାକୁ ନେଇ ଆରମ୍ଭ ହୋଇଛି ରାଜନୀତି। ରାହୁଲ ଗାନ୍ଧୀଙ୍କୁ ଭେଟିଥିବା ପ୍ରବାସୀ ଶ୍ରମିକ ମାନଙ୍କୁ ପରେ ପୁଲିସ ଅଟକାଇ ଥିବା କଂଗ୍ରେସ ଅଭିଯୋଗ କରିଛି। ତେବେ ପୁଲିସ ଅଭିଯୋଗକୁ ଖଣ୍ଡନ କରିଛି।

ଅନ୍ୟପଟେ ବିଜେପି ନେତା ତଥା କେନ୍ଦ୍ରମନ୍ତ୍ରୀ ଆରକେ ସିଂହ କହିଛନ୍ତି, ଫଟୋ ଉଠାଇ ନିଜର ପ୍ରଚାର କରିବା ପାଇଁ ରାହୁଲ ଗାନ୍ଧୀ ଏଭଳି କରିଛନ୍ତି। କେନ୍ଦ୍ର ସରକାର ପ୍ରବାସୀ ଶ୍ରମିକଙ୍କ ପାଇଁ ସ୍ପେଶାଲ ଟ୍ରେନ୍ ସହିତ ବସ ସେବା କରିଛନ୍ତି। ଏହାବାଦ ସେମାନଙ୍କ ଖାଇବା ପିଇବା ଓ ଜନଧନ ଆକାଉଣ୍ଟକୁ ପଇସା ପଠାଇଥିବା କହିଛନ୍ତି କେନ୍ଦ୍ରମନ୍ତ୍ରୀ।