ଅନୁଗୋଳ(ବିରଜା ଦାସ): ଅନୁଗୋଳ ଜିଲ୍ଲା କଣିହାଁ ବ୍ଲକ ଅନ୍ତର୍ଗତ ହନୁମାନପୁର ଗ୍ରାମସ୍ଥିତ ଏକ ପୋଖରୀରୁ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି । ମୃତ ଯୁବକଜଣକ ହେଲେ ହନୁମାନପୁର ପଞ୍ଚାୟତ ଅନ୍ତର୍ଗତ ବିରଭୂମି ଗ୍ରାମର ମାୟାଧର ବେହେରା (୩୫) ।
ଆହୁରି ପଢ଼ନ୍ତୁ
ମୃତ ମାୟାଧର ଓ ତାଙ୍କ ବାପା ରାସନ କାର୍ଡ ପାଇଁ କଣିହାଁ ବ୍ଲକକୁ ଗତ ୨୮ତାରିଖରେ ଯାଇଥିଲେ । ବ୍ଲକରେ କାମ ସରିବା ପରେ ପ୍ରଥମେ ମାୟାଧରଙ୍କ ବାପା ଘରକୁ ଫେରିଥିଲେ। ହେଲେ ଦୀର୍ଘ ସମୟ ଅପେକ୍ଷା କରି ବି ମାୟାଧର ଘରେ ନ ପହଞ୍ଚିବାରୁ ପରିବାର ଲୋକେ ଖୋଜାଖୋଜି କରିଥିଲେ । ହେଲେ ପୁଅର କୌଣସି ସନ୍ଧାନ ପାଇ ନ ଥିଲେ।
ଗତକାଲି ରାତିରେ ପୋଖରୀରେ ଜଣେ ଯୁବକଙ୍କ ମୃତଦେହ ଭାସୁଥିବା ଦେଖି ସ୍ଥାନୀୟ ଲୋକେ ପୁଲିସ୍କୁ ଖବର ଦେଇଥିଲେ । ଖବର ପାଇ ପୁଲିସ୍ ରାତିରେ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଥିଲା। ଏହାପରେ ପରିବାର ଲୋକେ ପହଞ୍ଚି ତାହା ମାୟାଧରଙ୍କ ମୃତଦେହ ବୋଲି ଚିହ୍ନଟ କରିଥିଲେ । ଆଜି ସକାଳେ ମୃତଦେହ ବ୍ୟବଚ୍ଛେଦ ନିମନ୍ତେ ତାଳଚେର ଉପଖଣ୍ଡ ଚିକିତ୍ସାଳୟକୁ ପଠାଯାଇଛି। ଏନେଇ ଏକ ଅପମୃତ୍ୟୁ ମାମଲା ରୁଜୁ କରାଯାଇ ଅଧିକ ତଦନ୍ତ ଜାରି ରହିଥିବା କଣିହାଁ ପୁଲିସ୍ ସୂଚନା ଦେଇଛି ।
