ସତ୍ୟଶିଖା( ସୋନପୁର )୧୪.୦୭ . ୨୦୨୨: ଖାକି ବର୍ଦ୍ଦିରେ ପୁଣି ଲାଗିଲା ଦାଗ । ଦୁଷ୍କର୍ମ ଅଭିଯୋଗରେ ଜେଲ୍ ଗଲେ ପୁଲିସ୍ ଡ୍ରାଇଭର । ସୁବର୍ଣ୍ଣପୁର ଜିଲ୍ଲା ପୁଲିସରେ କାର୍ଯ୍ୟରତ ପିଏମଟି ଡ୍ରାଇଭର ରଞ୍ଜିତ ପଧାନଙ୍କ ନାଁରେ ଏପରି ଅଭିଯୋଗ ହେବା ପରେ ପୁଲିସ୍ ତୁରନ୍ତ ତାଙ୍କୁ ଗିରଫ କରି ଜେଲ୍ ପଠାଇ ଦେଇଛି ।
ଗତକାଲି ଜିଲ୍ଲାର ସୁବଳୟା ଥାନାରେ ଜୈନିକା ଯୁବତୀ ରଞ୍ଜିତଙ୍କ ବିରୋଧରେ ଦୁଷ୍ମର୍ମ ଅଭିଯୋଗ ଆଣିଥିଲେ। ଏହି ଅଭିଯୋଗ ଆଧାରରେ ସୁବଳୟା ପୁଲିସ୍ ରଞ୍ଜିତଙ୍କୁ ସୋନପୁରରୁ ଉଠାଇ ଆଣି କୋର୍ଟଚାଲାଣ କରିଥିଲା। ସେଠାରେ ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ ହାଜତକୁ ପଠାଇ ଦିଆଯାଇଛି।
