ରାଜ୍ୟ

ରାଉରକେଲାରେ ଲାଗିଲା ଆଂଶିକ କର୍ଫ୍ୟୁ | Satyasikha

ରାଉରକେଲା(ପବନ ତିୱାରୀ): ରାଉରକେଲାରେ ଲାଗିଲା ଆଂଶିକ କର୍ଫ୍ୟୁ। ଆଜି ମଧ୍ୟାହ୍ନ ୧୨ଟାରୁ ରାତି ୧୨ଟା ପର୍ଯ୍ୟନ୍ତ ସହରର ବିଭିନ୍ନ ଅଂଚଳରେ କର୍ଫ୍ୟୁ ଜାରି କରାଯାଇଛି। ପ୍ରବାସୀ ଓଡ଼ିଆ ଶ୍ରମିକଙ୍କୁ ନେଇ ଟ୍ରେନ୍‌ ଆସୁଥିବାରୁ ଏହି କର୍ଫ୍ୟୁ ଜାରି କରାଯାଇଛି। ରାଉରକେଲା ଷ୍ଟେସନ ଅଞ୍ଚଳ, ଷ୍ଟେସନରୁ ମଧୁସୂଦନ ଛକ, ଷ୍ଟେସନରୁ ବସଷ୍ଟାଣ୍ଡ ପର୍ଯ୍ୟନ୍ତ କର୍ଫ୍ୟୁ ଜାରି କରାଯାଇଛି।

ଆହୁରି ପଢ଼ନ୍ତୁ

ପ୍ରବାସୀ ଶ୍ରମିକମାନେ ଷ୍ଟେସନ୍‌ରେ ପହଞ୍ଚିବା ପରେ ବିଭିନ୍ନ ରାସ୍ତାରେ ସେମାନଙ୍କ ଅଞ୍ଚଳକୁ ନିଆଯିବ। ଏଥିଲାଗି ନିର୍ଦ୍ଧାରିତ ଅଂଚଳକୁ ସ୍ଥାନୀୟ ଲୋକେ ନଆସିବାକୁ ପରାମର୍ଶ ଦେଇଛି ଜିଲ୍ଲା ପ୍ରଶାସନ। ୩୦୦ ପ୍ରବାସୀ ଓଡ଼ିଆଙ୍କୁ ନେଇ ଶ୍ରମିକ ସ୍ପେଶାଲ ଟ୍ରେନ ଆସୁଛି। ଆନ୍ଧ୍ରପ୍ରଦେଶରୁ ଏହି ଟ୍ରେନ ଆସୁଥିବା ବେଳେ ବିଭିନ୍ନ ଜିଲ୍ଲାକୁ ବସରେ ପ୍ରବାସୀମାନେ ଯିବେ।

ରାଉରକେଲା ରେଳ ଷ୍ଟେସନ୍‌ରେ ପ୍ରଥମେ ପ୍ରବାସୀଙ୍କ ସ୍ୱାସ୍ଥ୍ୟ ପରୀକ୍ଷା କରାଯିବ। ଯଦି ସେମାନଙ୍କ ଦେହରେ କରୋନା ଭୁତାଣୁ ଚିହ୍ନଟ ହୁଏ, ତାହାହେଲେ ସେମାନଙ୍କୁ କୋଭିଡ୍‌ ହସ୍ପିଟାଲକୁ ସ୍ଥାନାନ୍ତରିତ କରାଯିବ। ଆଉ ଯେଉଁମାନେ ସୁସ୍ଥ ଅଛନ୍ତି, ସେମାନଙ୍କୁ ବସ୍‌ରେ ସେମାନଙ୍କ ଜିଲ୍ଲାକୁ ପଠାଇ ଦିଆଯିବ। ସେଠାରେ ସେମାନଙ୍କୁ କ୍ୱାରେଣ୍ଟାଇନ୍‌ ସେଣ୍ଟରରେ ରଖାଯିବ।

[ad_2]
Show More
Back to top button