ସତ୍ୟଶିଖା( ଭୁବନେଶ୍ୱର )୨୨.୦୨.୨୦୨୨ : ରସିକିଆ ନକଲି ଡ଼ାକ୍ତର ରମେଶ ସ୍ୱାଇଁ ଙ୍କ ନାଁ ଆସିଲା ଆଉ ଏକ ଅଭିଯୋଗ । ଆନ୍ଧ୍ର ରାଜମହେନ୍ଦ୍ରୀର ଜଣେ ବ୍ୟବସାୟୀଙ୍କୁ ୪ ଲକ୍ଷ ଟଙ୍କା ଠକିଥିବା ଅଭିଯୋଗ ହେଉଛି ।
ଜଣେ ନର୍ସରୀ ବ୍ୟବସାୟୀଙ୍କୁ ଠକିଥିବା ନେଇ ମହିଳା ଜଣଙ୍କ ଅଭିଯୋଗ କରିଛନ୍ତି । ତେବେ ଏହି ଠକେଇ ଲିଙ୍କ୍ ରେ କେନ୍ଦ୍ରାପଡ଼ା ଇଶ୍ୱରପୁରରେ ପୋଲିସ୍ ର ସ୍ପେଶାଲ ସ୍କ୍ୱାର୍ଡ଼ ଚଢାଉ କରିଛି ।
ଏହି ଘଟଣାରେ ନକଲି ଡ଼ାକ୍ତରଙ୍କ ଭଉଣୀ କୁ ଭୁବନେଶ୍ୱର ଆଣି ପଚରାଉଚରା କରୁଛି ପୋଲିସ୍ । ଏହି ସମସ୍ତ ଠକେଇ ମାମଲାରେ ତାଙ୍କ ଭଉଣୀଙ୍କ ମଧ୍ୟ ସମ୍ପୃକ୍ତି ଥିବା କୁହାଯାଉଛି ତେଣୁ ବିଭିନ୍ନ ଆଡ଼ୁ ତଦନ୍ତ କରାଯାଉଛି ।
ସରୁନି ନକଲି ଡାକ୍ତର ରମେଶଙ୍କର କାରନାମାର ଫର୍ଦ୍ଦ । ନକଲି ଡାକ୍ତର ରମେଶ ସ୍ୱାଇଁଙ୍କ ନାଁରେ ଦିନକୁ ଦିନ ଆସୁଛି ନୂଆ ନୂଆ ଅଭିଯୋଗ । ଏମ୍ସ ଓ ଇଫକୋରେ ଚାକିରି ଦେବାକୁ କହି ୧୨ ଲକ୍ଷ ଟଙ୍କା ଠକି ନେଇଥିବା ଅଭିଯୋଗ ହୋଇଛି ।
ଚେକ୍ ମାଧ୍ୟମରେ ଟଙ୍କା ନେଇ ଆଶାୟୀଙ୍କୁ ନକଲି ରସିଦ ଦେଇଥିଲେ । କମ୍ପାନୀର ବରିଷ୍ଠ ଅଧିକାରୀଙ୍କ ନାଁ ନେଇ ନିଜେ ଫୋନ କରି ନେଉଥିଲେ ଇଣ୍ଟରଭ୍ୟୁ । ଏହାସହିତ ଫୋନ କରି ଚାକରି ହୋଇଗଲା ବୋଲି କହିଥିଲେ ।
ତେବେ ଠକାମୀର ଶିକାର ହୋଇଥିବା ବ୍ୟକ୍ତି ଜଣକ ସତ କଥା ଜାଣିବା ପରେ ରମେଶଙ୍କୁ ଟଙ୍କା ମାଗିଥିଲେ । ବାରମ୍ବାର ଟଙ୍କା ମାଗିବା ପରେ ୪ ଲକ୍ଷ ୩୨ ହଜାର ଟଙ୍କା ଫେରସ୍ତ କରିଥିଲେ । ରମେଶଙ୍କ ଠକେଇର ସମ୍ପୃକ୍ତ ଥିଲେ ତାଙ୍କର ଦ୍ୱିତୀୟ ପତ୍ନୀ ଝାଡଖଣ୍ଡର କମଳା ତିର୍କୀ ।
