ଦେଶରାଜନୀତି

ଗୁଜୁରାଟ ନଗର ନିଗମ ନିର୍ବାଚନ : ୬୦ଟି ଆସନରେ ବିଜେପି ଆଗରେ

ସତ୍ୟଶିଖା(ଅହମ୍ମଦାବାଦ) ୨୩/୦୨/୨୦୨୧ :  ମଙ୍ଗଳବାର ଗୁଜୁରାଟରେ ନଗର ନିଗମ ନିର୍ବାଚନ ପାଇଁ ଭୋଟ୍ ଗଣତି ଜାରି ରହିଛି । ଶାସକ ଦଳ ବିଜେପି ଓ ବିରୋଧୀ କଂଗ୍ରେସ ମଧ୍ୟରେ ନିର୍ବାଚନରେ କଡ଼ା ଟକ୍କର ଦେଖିବାକୁ ମିଳିଥିଲା । ଭୋଟ୍ ଗଣତିରେ ମଧ୍ୟ ସେପରି କିଛି ଫଳାଫଳ ସାମ୍ନାକୁ ଆସୁଛି । ତେବେ ପ୍ରଥମ ଥର ନଗର ନିଗମ ନିର୍ବାଚନରେ ଲଢିଥିବା ଆମ୍ ଆଦମୀ ପାର୍ଟି ଓ ଏଆଇଏମଆଇଏମ ମଧ୍ୟ ଆଶାନୁରୂପକ ପ୍ରଦର୍ଶନ କରିଛି । ଏବେବି ଭୋଟ୍ ଗଣତି ଜାରି ରହିଛି । ସୂଚନାଯୋଗ୍ୟ, ଅହମ୍ମଦାବାଦ ସମେତ ୬ ମହାନଗରର ୫୭୬ ସିଟରେ ମତଦାନ ହୋଇଥିଲା । ଅହମ୍ମଦାବାଦରେ ଭୋଟ୍ ଗଣତି ଜାରି ରହିଛି । ଏଠାରେ ଅସଦୁଦ୍ଦୀନ ଓଓ୍ୱେସୀଙ୍କ ଦଳ ୪ଟି ଆସନରେ ଆଗୁଆ ଥିବା ବେଳେ ଆପ୍ ୧୨ଟିରେ ଆଗୁଆ ରହିଛି । ବିଜେପି ୪୩ଟି ଆସନରେ ଆଗୁଆ ଅଛି । ସେହିପରି କଂଗ୍ରେସ ୫ଟିରେ ଆଗୁଆ ଅଛି । ରାଜକୋଟରେ ମଧ୍ୟ ୧୪ଟି ଆସନରେ ବିଜେପି ପ୍ରାର୍ଥୀ ଆଗୁଆ ରହିଛନ୍ତି । କେବଳ ୨ଟି ଆସନରେ କଂଗ୍ରେସ ଭଲ ପ୍ରଦର୍ଶନ କରୁଛି । ସେହିପରି ସୁରଟରେ ବିଜେପି ୧୬, କଂଗ୍ରେସ ୫ଟି ଆସନରେ ଆଗୁଆ ଅଛନ୍ତି । ଏଠାରେ ଆମ୍ ଆଦମୀ ପାର୍ଟି ମଧ୍ୟ ୩ଟି ଓ୍ୱାର୍ଡରେ ଆଗୁଆ ରହିଛି । ବଦୋଦରାରେ ବିଜେପି ୬, କଂଗ୍ରେସ ୨ ଓ ଜାମନଗରରେ ବିଜେପି ୧୧ ଓ ଆପ୍ ୧ଟି ଆସନରେ ଆଗୁଆ ରହିଛନ୍ତି । ଏଠାରେ କଂଗ୍ରେସ ଗୋଟିଏ ଆସନରେ ପଛୁଆ ରହିଛି । ପରେ ଏହି ଟ୍ରେଣ୍ଡରେ ପରିବର୍ତ୍ତନ ହୋଇପାରେ ।

Show More
Back to top button