ସତ୍ୟଶିଖା( ନୂଆଦିଲ୍ଲୀ )୧୭.୦୬. ୨୦୨୨ : ‘ନ୍ୟାସନାଲ ହେରାଲ୍ଡ’ ମାମଲାରେ ପ୍ରବର୍ତ୍ତନ ନିର୍ଦେଶାଳୟ (ଇଡି) ଦ୍ବାରା କ୍ରମାଗତ ତିନି ଦିନ ଜେରାର ସମ୍ମୁଖୀନ ହେବା ପରେ କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କୁ ଗୁରୁବାର ବିଶ୍ରାମ ମିଳିଛି। ଶୁକ୍ରବାର ତାଙ୍କୁ ପୁନର୍ବାର ଜେରା ପାଇଁ ଇଡି ସମନ କରିଥିଲାବେଳେ ରାହୁଲ ଗୁରୁବାର ଇଡିକୁ ପତ୍ର ଲେଖି ସୋମବାର, ୨୦ ତାରିଖ ପର୍ଯ୍ୟନ୍ତ ଜେରା ସ୍ଥଗିତ ରଖିବାକୁ ଅନୁମତି ମାଗିଥିଲେ। ଇଡି ଏହାକୁ ଅନୁମୋଦନ କରିଛି। କରୋନା ସଂକ୍ରମିତ ହୋଇ ସାର୍ ଗଙ୍ଗାରାମ ହସ୍ପିଟାଲରେ ଥିବା ୭୫ବର୍ଷିଆ ମା’ ସୋନିଆଙ୍କ ଦେଖାରଖା ପାଇଁ ସେ ଏହି ସମୟ ମାଗିଥିଲେ। ଗତ ତିନି ଦିନ ମଧ୍ୟରେ ରାହୁଲଙ୍କୁ ପ୍ରାୟ ୩୩ ଘଣ୍ଟା ଜେରା କରାଯାଇଛି। ସୋନିଆର ଜୁନ୍ ୨ରୁ କରୋନା ସଂକ୍ରମିତ ହୋଇଛନ୍ତି। ଜୁନ୍ ୮ରେ ସୋନିଆଙ୍କର ଇଡିରେ ହାଜର ହେବାର ଥିଲା; କିନ୍ତୁ ସେ କରୋନା ଯୋଗୁଁ ଏଥିପାଇଁ ଜୁନ୍ ୨୩କୁ ସାନି ତାରିଖ ଧାର୍ଯ୍ୟ ହୋଇଛି।
