ସତ୍ୟଶିଖା (ଶିମଲା) ୧୨/୧୧/୨୦୨୦ : ହିମାଚଳ ପ୍ରଦେଶରେ ପାଣିପାଗ ବିଭାଗ ଦିନେ ପାଇଁ ୟେଲୋ ୱାର୍ଣ୍ଣିଙ୍ଗ ଜାରି କରିଛି । ଦୀପାବଳି ପରେ ଭୀଷଣ ବର୍ଷା ଓ ତୁଷାରପାତର ସମ୍ଭାବନା ରହିଛି । ନଭେମ୍ବର ୧୩ ତାରିଖରେ ରାଜ୍ୟର ପଶ୍ଚିମାଞ୍ଚଳରେ ଜଳବାୟୁ ବଦଳିବା ନେଇ ଆଶଙ୍କା ପ୍ରକାଶ କରିଛନ୍ତି । ତେବେ ୪ ଦିନ ଯାଏଁ ପାଣିପାଗ ଭଲ ରହିବନି ବୋଲି ଅନୁମାନ କରାଯାଇଛି । ୧୭ ତାରିଖ ଯାଏଁ ରାଜ୍ୟରେ ବର୍ଷା ଓ ତୁଷାରପାତ ହେବା ନେଇ ପାଣିପାଗ ବିଭାଗ ପୂର୍ବାନୁମାନ କରିଛି । ୧୩ ତାରିଖରେ ରାଜ୍ୟର ଉଚ୍ଚତମ ଅଞ୍ଚଳରେ ବର୍ଷା ଓ ତୁଷାରପାତ ହେବାର ସମ୍ଭାବନା ରହିଛି । ଏହାପରେ ୩ଦିନ ଯାଏଁ ଅର୍ଥାତ ୧୪ ରୁ ୧୭ ତାରିଖ ଯାଏଁ ମଧ୍ୟବର୍ତ୍ତୀ ପାହାଡିଆ ଓ ଉଚ୍ଚତମ ଅଞ୍ଚଳରେ ବର୍ଷା ଓ ତୁଷାରପାତ ହେବ ।
ବୁଧବାର ଦିନ ଶିମଲାରେ ବାଦଲ ସହ ହାଲୁକା ଖରା ପାଗ କରିଥିଲା । ବୁଧବାର ଦିନ ଉନାରେ ସର୍ବାଧିକ ତାପମାତ୍ରା ୨୯.୪ ଡିଗ୍ରୀ, କାଙ୍ଗଡାରେ ୨୬.୨, ବିଳାସପୁରରେ ୨୪, ଚମ୍ବାରେ ୨୪.୮, ଧର୍ମଶାଳାରେ ୧୯.୮, ଶିମଲାରେ ୧୯.୬ ଡିଗ୍ରୀ ରେକର୍ଡ କରାଯାଇଥିଲା । କେଲାଙ୍ଗରେ ସର୍ବନିମ୍ନ ତାପମାତ୍ରା ଶୂନ ତଳକୁ ମାଇନସକୁ ଚାଲିଯାଇଥିଲା । ସର୍ବନିମ୍ନ ତାପମାତ୍ରା ୦.୭ ଡିଗ୍ରୀ ରେକର୍ଡ କରାଯାଇଛି ।
ହିମାଚଳ ପ୍ରଦେଶରେ ୩ ମାସ ହେଲା ବର୍ଷା ହୋଇନି । ତଳିଆ ଅଞ୍ଚଳରେ ବର୍ଷା ନ ହେବାରୁ ଅନେକ ପ୍ରଭାବ ପଡିଛି । ବର୍ଷା ନ ହେବା ଯୋଗୁଁ ଗହମ ଚାଷ ପ୍ରଭାବିତ ହୋଇଛି । ଅପରପକ୍ଷରେ ପାହାଡିଆ ଅଞ୍ଚଳରେ ତୁଷାରପାତ ହୋଇଛି କିନ୍ତୁ ଅନ୍ୟ ବର୍ଷ ଅପେକ୍ଷା କମ ତୁଷାରପାତ ହୋଇଛି ଓ ବିଳମ୍ବରେ ହୋଇଛି ।
