ନୀଳଗିରି (ବିଶ୍ୱମ୍ୱର ଦାସ): ବାତ୍ୟା ‘ଅମ୍ଫାନ’ର ପ୍ରଭାବ ନୀଳଗିରି ଅଞ୍ଚଳରେ ଦେଖିବାକୁ ମିଳିଛି। ଏହାର ପ୍ରଭାବରେ ଅନେକ ସ୍ଥାନରେ ଘର ଛପର ଉଡି ଯାଇଥିବା ବେଳେ ବଡ଼ ବଡ଼ ଗଛ ଭାଙ୍ଗି ପଡିଛି। ଫଳରେ ଜୀବନଯାତ୍ରା ଏକ ପକାର ଠପ୍ ହୋଇଯାଇଛି। ମହାମାରୀ ‘କରୋନା’ ବେଳେ ବାତ୍ୟା ମାଡ଼ ସ୍ଥାନୀୟ ଲୋକଙ୍କୁ ଅସ୍ତବ୍ୟସ୍ତ କରିଛି।
ଆହୁରି ପଢ଼ନ୍ତୁ
ବାତ୍ୟାରେ ନୀଳଗିରି ଉପଖଣ୍ଡ ମେଡିକାଲର ମେଡ଼ିସିନ ବିଭାଗର ଛାତ ଉପରେ ବିରାଟକାୟ ଗଛ ଉପୁଡ଼ି ପଡିଛି। ଯାହାକୁ ନେଇ ମେଡିକାଲରେ ଥିବା କର୍ମଚାରୀଙ୍କ ମଧ୍ୟରେ ଭୟର ବାତାବରଣ ଖେଳିଯାଇଥିଲା। ଏନେଇ ଖବର ପ୍ରକାଶ ପାଇବା ପରେ ଉଦ୍ଧାରକାରୀ ଦଳ ମେଡ଼ିକାଲ୍ରେ ପହଞ୍ଚି ଗଛକଟି ବାହାର କରିବା ପାଇଁ ଉଦ୍ୟମ ଜାରି ରଖିଛନ୍ତି।
ଅନ୍ୟପକ୍ଷରେ ନୀଳିଗିରି-ମିତ୍ରପୁର ରାସ୍ତାର ବିଭିନ୍ନ ସ୍ଥାନରେ ଗଛପଡି ରାସ୍ତା ଅଵୋରୋଧ ହୋଇଛି। ଯାହାଫଳରେ ଜରୁରୀ ସେବା ପ୍ରଦାନ କରୁଥିବା ଆମ୍ବଲାନ୍ସ ଗସ୍ତବ୍ୟସ୍ଥଳକୁ ଯାଇନପାରୁ ଫେରିଆସୁଥିବା ଦେଖିବାକୁ ମିଳୁଛି। ଏବେ ସେହି ସ୍ଥାନରେ ଉଦ୍ଧାର କାର୍ଯ୍ୟ ଚାଲିଛି।
