ମୁମ୍ବାଇ: ‘କରୋନା’ ବିରୋଧରେ ଚାଲିଥିବା ଲଢ଼େଇରେ ଦେଶବାସୀଙ୍କୁ ତଥା ସରକାରଙ୍କୁ ଆର୍ଥିକ ସାହାଯ୍ୟ କରିବାକୁ ଆଗେଇ ଆସିଛନ୍ତି ଅନେକ ବଲିଉଡ୍ ତାରକା। ଏଥିମଧ୍ୟରେ ସୁପରଷ୍ଟାର ସଲ୍ମାନ୍ ଖାନ ମଧ୍ୟ ସାମିଲ ଅଛନ୍ତି। ଏଭଳି ପରିସ୍ଥିତିରେ ସେ ଲଗାତାର ଅଭାବୀ ଲୋକଙ୍କୁ ସାହାଯ୍ୟ କରିଆସୁଛନ୍ତି। ବର୍ତ୍ତମାନ ସେ କରୋନା ଯୋଦ୍ଧାଙ୍କୁ ସାହାଯ୍ୟ କରିଛନ୍ତି। ସେ ମୁମ୍ବାଇ ପୁଲିସ୍କୁ ୧ ଲକ୍ଷ ହ୍ୟାଣ୍ଡ ସାନିଟାଇଜର୍ ଦାନ କରିଛନ୍ତି। ଏଭଳି ମହତ କାର୍ଯ୍ୟ ପାଇଁ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ତାଙ୍କୁ ପ୍ରଶଂସା କରିଛନ୍ତି।
Thank you @BeingSalmanKhan for providing 1Lakh Hand Sanitizers to our @MumbaiPolice #WarAgainstVirus https://t.co/4qF5uU4IBv
— CMO Maharashtra (@CMOMaharashtra) May 30, 2020
ସଲ୍ମାନ୍ ଖାନଙ୍କୁ ଧନ୍ୟବାଦ ଜଣାଇ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଏକ ଟ୍ୱିଟ୍ କରିଛନ୍ତି। ଏଥିରେ ସେ ଲେଖିଛନ୍ତି, “ଆମ ମୁମ୍ବାଇ ପୁଲିସକୁ ଏକ ଲକ୍ଷ ହ୍ୟାଣ୍ଡ ସାନିଟାଇଜର୍ ଯୋଗାଇ ଦେଇଥିବାରୁ ସଲ୍ମାନ୍ ଖାନଙ୍କୁ ଧନ୍ୟବାଦ”। ସିଏମ୍ଙ୍କ ଏହି ଟ୍ୱିଟ୍ରେ ସଲ୍ମାନ୍ ମଧ୍ୟ ଜବାବ ଦେଇ ଏକ ଧନ୍ୟବାଦ ନୋଟ୍ ଲେଖିଛନ୍ତି।
ଆହୁରି ପଢ଼ନ୍ତୁ
Thank u 🙏 @CMOMaharashtra @Iamrahulkanal @MumbaiPolice #IndiaFightsCorona https://t.co/GtBL3UrTWC
— Salman Khan (@BeingSalmanKhan) May 30, 2020
ସୂଚନାଯୋଗ୍ୟ, ସଲ୍ମାନ୍ ଦେଶର ଏଭଳି କଠିନ ପରିସ୍ଥିତିରେ ଅସୁବିଧାରେ ଥିବା ଜନସାଧାରଣଙ୍କୁ ସାହାଯ୍ୟ କରିବା ପ୍ରଥମ ଘଟଣା ନୁହେଁ। ସେ କ୍ରମାଗତ ଭାବରେ ହଜାର ହଜାର ଲୋକଙ୍କୁ ଖାଦ୍ୟ ସାମଗ୍ରୀ ଯୋଗାଉଛନ୍ତି। ଲକ୍ଡାଉନ୍ରେ ତାଙ୍କ ଖାଦ୍ୟ ଟ୍ରକ୍ ‘ବିଙ୍ଗ୍ ହଙ୍ଗ୍ରି’ କ୍ରମାଗତ ଭାବରେ ମୁମ୍ବାଇର ଅଭାବୀ ଲୋକଙ୍କୁ ରାସନ ବଣ୍ଟନ କରୁଛି। ଏଥି ସହିତ ସେ ଇଦ୍ ସମୟରେ ହଜାର ହଜାର ଲୋକଙ୍କୁ ଖାଦ୍ୟ ପଠାଇଥିଲେ। ଏହା ପୂର୍ବରୁ ସେ ୨୫ ହଜାର ଶ୍ରମିକଙ୍କ ଦାୟିତ୍ୱ ନେଇଥିଲେ ଓ ସେମାନଙ୍କୁ ଆର୍ଥିକ ସହାୟତା ଯୋଗାଇଥିଲେ। ଫିଲ୍ମ ଇଣ୍ଡଷ୍ଟ୍ରିର ଜୁନିୟର ଆର୍ଟିଷ୍ଟମାନଙ୍କ ଆକାଉଣ୍ଟରେ ଟଙ୍କା ମଧ୍ୟ ଜମା କରିଥିଲେ।
[ad_2]
