ଧର୍ମଗଡ଼ (ଇଙ୍ଗିତ ପଣ୍ଡା): ଲକ୍ଡାଉନ୍ ଯୋଗୁ ମୁମ୍ବାଇରୁ ଫେରୁଥିବା ବେଳେ ଛତିଶଗଡ଼ରେ ଟ୍ରକ୍ ଧକ୍କାରେ ପ୍ରାଣ ହରାଇଛନ୍ତି ଦୁଇ ଓଡ଼ିଆ ଶ୍ରମିକ। ସେମାନେ ହେଲେ କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଳକ ଅନ୍ତର୍ଗତ କୁହୁରା ଗାଁର ବୈଷ୍ଣବ ପୁଟେଲ (୨୫) ଓ ଭୂପିନ୍ଦର ପୁଟେଲ (୩୫)।
ଆହୁରି ପଢ଼ନ୍ତୁ
ସୂଚନା ଅନୁଯାୟୀ, କୁହୁରା ଗାଁର ଆଉ ତିନି ଜଣ ଶ୍ରମିକଙ୍କ ସହିତ ମିଶି ବୈଷ୍ଣବ ଓ ଭୂପିନ୍ଦର ମୁମ୍ବାଇରୁ ଟ୍ରକ୍ ଯୋଗେ ଆସୁଥିଲେ। ଗତକାଲି ରାତି ପ୍ରାୟ ୯ଟା ବେଳେ ସେମାନେ ଛତିଶଗଡ଼ର ମହାସମୁନ୍ଦ୍ରରେ ପହଞ୍ଚିଥିଲେ। ସେଠାରେ ରାସ୍ତାପାର ହେଉଥିବା ବେଳେ ଏକ ଟ୍ରକ୍ ସେମାନଙ୍କୁ ଧକ୍କା ଦେଇଥିଲା। ଘଟଣାସ୍ଥଳରେ ହିଁ ବୈଷ୍ଣବ ଓ ଭୂପିନ୍ଦରଙ୍କ ମୃତ୍ୟୁ ଘଟିଥିଲା।
ଖବର ପାଇଁ ପରିବାର ଲୋକେ ମହାସମୁନ୍ଦ୍ରରେ ପହଞ୍ଚିଥିଲେ। ଦୁର୍ଘଟଣା ଘଟାଇଥିବା ଟ୍ରକ୍ଟି ସେଠାରୁ ଫେରାର ହୋଇଯାଇଥିବା ଜଣାପଡ଼ିଛି।
