ରାଜ୍ୟ

ମା’କୁ ପିଟିପିଟି ମାରି ଦେଲା ପୁଅ

ବିନିକା (ଦିଲ୍ଲୀପ ସାହୁ): କାଠ ଫାଳିଆରେ ପିଟିପିଟି ନିଜ ମା’କୁ ମାରି ଦେଲା ଯୁବକ। ଏଭଳି ଏକ ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲା ବିନିକା ଥାନା ସିଂଘିଯୁବା ପଂଚାୟତର ଖଇରମାଲ ଗାଁରେ।

ମୃତ ବୃଦ୍ଧାଙ୍କ ନାଁ ସତ୍ୟ ଭୋଇ। ତାଙ୍କୁ ୬୨ ବର୍ଷ ହୋଇଥିଲା। ଅଭିଯୁକ୍ତର ନାଁ ଗଣେଶ ଭୋଇ (୨୮)।

ସୂଚନା ଅନୁଯାୟୀ, ଆଜି ସକାଳ ପ୍ରାୟ ୭ଟା ବେଳେ ସତ୍ୟ ଭୋଇ ଦାନ୍ତ ଘଷିବା ପାଇଁ ଘରୁ ବାହାରିବା ମାତ୍ରେ ଗଣେଶ ତାଙ୍କୁ ଆକ୍ରମଣ କରିଥିଲେ। ସେ ଏକ କାଠ ଫାଳିଆରେ ତାଙ୍କ ମୁଣ୍ଡକୁ ଆକ୍ରମଣ କରିଥିଲେ। ସେ ଏକାଧିକ ପ୍ରହାର କରିଥିଲେ। ଫଳରେ ସତ୍ୟଙ୍କ ମୁଣ୍ଡ ଫାଟି ପ୍ରଚୁର ରକ୍ତସ୍ରାବ ହୋଇଥିଲା। ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା।

ଖବର ପାଇ ବିନିକା ପୁଲିସ୍ ଘଟଣାସ୍ଥଳରେ ପହଞ୍ଚିଥିଲା। ପୁଲିସ୍ ଅଭିଯୁକ୍ତକୁ ଗିରଫ କରିଛି। ଅଭିଯୁକ୍ତର ମୁଣ୍ଡ ଠିକ୍ ନଥିବା କୁହାଯାଉଛି। ୧୦ ଦିନ ତଳେ ସେ ତା’ ପତ୍ନୀଙ୍କୁ ବି ଆକ୍ରମଣ କରିଥିଲା।

[ad_2]
Show More
Back to top button