ସତ୍ୟଶିଖା ୫ .୦୯.୨୦୨୦ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଗୁରୁ ଦିବସ ଅବସରରେ ରାଷ୍ଟ୍ର ନିର୍ମାଣରେ ଶିକ୍ଷକଙ୍କ ଯୋଗଦାନକୁ ପ୍ରଶଂସା କରିଛନ୍ତି । ସେ କହିଛନ୍ତି ଯେ, ଛାତ୍ରମାନଙ୍କୁ ଗଢି ତୋଳିବା କ୍ଷେତ୍ରରେ ଶିକ୍ଷକଙ୍କ ପ୍ରୟାସ ପାଇଁ ଦେଶ ସର୍ବଦା କୃତଜ୍ଞ ରହିବ ।
ଏହି ଅବସରରେ ପ୍ରଧାନମନ୍ତ୍ରୀ ଟ୍ଵିଟ୍ କରି ଲେଖିଛନ୍ତି ଯେ, ଆମର ପରିଶ୍ରମୀ ଶିକ୍ଷକଙ୍କ ପ୍ରତି ଆମେ ସର୍ବଦା ଆଭାରୀ ରହିବୁ । ଗୁରୁ ଦିବସ ଅବସରରେ ଗୁରୁମାନଙ୍କ ଅତୁଳନୀୟ ପ୍ରଚେଷ୍ଟା ପାଇଁ ମୁଁ ତାଙ୍କୁ କୃତଜ୍ଞତା ଜଣାଉଛି । ଏହି ସମୟରେ ପ୍ରଧାନମନ୍ତ୍ରୀ ଡଃ ସର୍ବପଲ୍ଲୀ ରାଧାକ୍ରିଷ୍ଣଙ୍କୁ ମନେ ପକାଇ ତାଙ୍କୁ ଶ୍ରଦ୍ଧାସୁମନ ଅର୍ପଣ କରିଛନ୍ତି । ଡଃ ସର୍ବପଲ୍ଲୀ ରାଧାକ୍ରିଷ୍ଣଙ୍କ ଜନ୍ମ ଜୟନ୍ତୀରେ ସାରା ଦେଶରେ ଗୁରୁ ଦିବସ ପାଳନ କରାଯାଏ ।
