ସତ୍ୟଶିଖା(ନୂଆଦିଲ୍ଲୀ) ୨୩.୦୭.୨୦୨୧: ଆଜିଠୁ ଆରମ୍ଭ ହେବ ଟୋକିଓ ଅଲିମ୍ପିକ୍ସ । ଏହି କ୍ରୀଡ଼ା ମହାକୁମ୍ଭର ଉଦଘାଟନୀ ସମାରୋହ ଅଲିମ୍ପିକ୍ସ ଷ୍ଟାଡ଼ିୟମ୍ରେ ହେବ ଏବଂ ଏହି ଉଦ୍ଘାଟନୀ ସମାରୋହରେ ଭାରତର ୨୬ ଜଣ ସଦସ୍ୟ ଭାଗ ନେବେ । ଏମାନଙ୍କ ମଧ୍ୟରେ ୨୦ଜଣ ଆଥଲେଟ୍ ଓ ୬ଜଣ ଅଫିସିଆଲ୍ ରହିଛନ୍ତି ବୋଲି ସୂଚନା ଦିଆଯାଇଛି ।କୋଭିଡ୍-୧୯ ମହାମାରୀକୁ ଦୃଷ୍ଟିରେ ରଖି ଉଦ୍ଘାଟନୀ ସମାରୋହରେ ଭାଗ ନେବାକୁଥିବା ଖେଳାଳିଙ୍କ ସଂଖ୍ୟା କମ୍ କରାଯାଇଛି । ଏହି କାରଣରୁ ଏଥର ମାତ୍ର ୨୬ ଭାରତୀୟ ଉଦଘାଟନୀ ସମାରୋହରେ ଅଂଶଗ୍ରହଣ କରିବେ । ଯେଉଁ ଖେଳାଳୀ ମାନଙ୍କର କ୍ରୀଡ଼ା ନିକଟରେ ହେବାର ଅଛି ସେମାନଙ୍କୁ ଉଦ୍ଘାଟନୀ ସମାରୋହରେ ସାମିଲ କରାଯାଇ ନାହିଁ ।
