ଚେନ୍ନାଇ: ବନ୍ୟଜନ୍ତୁଙ୍କ ପ୍ରତି ମଣିଷ ଯେ କେତେ ନିଷ୍ଠୁର ହୋଇପାରେ, ତା’ର ଜ୍ୱଳନ୍ତ ଉଦାହରଣ ପୁଣିଥରେ ସାମ୍ନାକୁ ଆସିଛି। ପୂର୍ବରୁ କେରଳରେ ଗୋଟିଏ ଗର୍ଭିଣୀ ହାତୀକୁ ସପୁରୀରେ ବାଣ ଭର୍ତ୍ତି କରି ଖାଇବାକୁ ଦିଆଯାଇ ହତ୍ୟା କରାଯାଇଥିଲା। ଏବେ ତାମିଲନାଡୁର ର୍ଟିଚି ଅଞ୍ଚଳରୁ ପୁଣି ସମାନ ଘଟଣା ସାମ୍ନାକୁ ଆସିଛି।
ମାଂସ ମଧ୍ୟରେ ବିସ୍ଫୋରକ ଖଞ୍ଜି ଗଧିଆକୁ ହତ୍ୟା କରୁଥିବା ଗୋଟିଏ ଗ୍ୟାଙ୍ଗର ୧୨ ଜଣ ସଦସ୍ୟଙ୍କୁ ପୁଲିସ ଗିରଫ କରିଛି। ଏମାନେ ସମସ୍ତେ ନାରୀକୁରଭରସ ସଂପ୍ରଦାୟର ଆଦିବାସୀ। ଏହି ୧୨ ଜଣ ଆଦିବାସୀ ଜୀୟପୁରମ ଠାରେ ଗୋଟିଏ ଗଧିଆକୁ ଖାଦ୍ୟରେ ବିସ୍ଫୋରକ ଦେଇ ହତ୍ୟା କରିଥିଲେ।
ଆହୁରି ପଢ଼ନ୍ତୁ
ଏହି ଆଦିବାସୀମାନେ ଅତ୍ୟନ୍ତ ନୃଶଂସ ଏବଂ ଶିକାର ଦ୍ୱାରା ହିଁ ଏମାନେ ଜୀବନଯାପନ କରନ୍ତି। ଗଧିଆର ଦାନ୍ତ, ମାଂସ ଓ ଚମ ପାଇଁ ତାକୁ ମାଂସରେ ବିସ୍ଫୋରକ ଦେଇ ହତ୍ୟା କରିଥିବା ଗିରଫ ଆଦିବାସୀମାନେ ପୁଲିସ୍ ଆଗରେ ସ୍ୱୀକାର କରିଛନ୍ତି। ବିଜୟରାଘବନ ନାମକ ଜଣେ କନଷ୍ଟେବଲ ପ୍ରଥମେ ଏହି ୧୨ ଜଣଙ୍କୁ ଗୋଟିଏ ଚା’ ଦୋକାନରେ ଠାବ କରିଥିଲେ।
ଏହାପରେ ସେମାନଙ୍କ ଉପରେ ତାଙ୍କର ସନ୍ଦେହ ହୋଇଥିଲା। ସେମାନଙ୍କ ପିଛା କରିବା ପରେ ପୂରା ଘଟଣା ଉପରକୁ ପୁଲିସ୍ ପର୍ଦ୍ଦା ଉଠାଇବାକୁ ସକ୍ଷମ ହୋଇଛି।
