ଖେଳନ୍ୟୁଜ୍ମନୋରଞ୍ଜନରାଜ୍ୟ

ଭାରତୀୟ ହକି କିମ୍ବଦନ୍ତୀ ମାଇକେଲ କିଣ୍ଡୋଙ୍କ ଆଉ ନାହାନ୍ତି

ସତ୍ୟଶିଖା ୩୧/୧୨/୨୦୨୦ : ଭାରତୀୟ ହକି କିମ୍ବଦନ୍ତୀ ତଥା ଅଲମ୍ପିଆନ ମାଇକେଲ କିଣ୍ଡୋଙ୍କ ଆଜି ପୂର୍ବାହ୍ନ ପ୍ରାୟ ୩ଟା ୧୫ରେ ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ ୭୪ ବର୍ଷ ବୟସ ହୋଇଥିଲା । ବାର୍ଦ୍ଧକ୍ୟଜନିତ ରୋଗ ଯୋଗୁଁ ତାଙ୍କୁ ଇସ୍‌ପାତ ଜେନେରାଲ ହସପିଟାଲରେ ଚିକିତ୍ସା କରାଯାଉଥିଲା । ଦୀର୍ଘଦିନ ହେଲା ସେ ଅସୁସ୍ଥ ହୋଇ ଚିକିତ୍ସିତ ହେଉଥିଲେ । ଶ୍ରୀ କିଣ୍ଡୋ ବହୁବର୍ଷ ଧରି ଭାରତୀୟ ହକି ଦଳର ପ୍ରତିନିଧତ୍ୱ କରିଥିଲେ । ଆର.ଏସ୍‌.ପିରେ ଯୋଗଦେବା ପରେ ଓଡିଶା ଦଳର ମଧ ନେତୃତ୍ୱ ନେଇ ଏକାଧିକ ସଫଳତା ଆଣିଥିଲେ ।ସୂଚନାଯୋଗ୍ୟ, ମାଇକେଲ କିଣ୍ଡୋ ଝାରଖଣ୍ଡରେ ଜନ୍ମଗ୍ରହଣ କରିଥିଲେ । କିନ୍ତୁ ଆର୍‌ଏସ୍‌ପିରେ ଯୋଗଦେବା ପରେ ଓଡ଼ିଶାରେ ହକି ଖେଳର ବିକାଶରେ ଏକ ଗୁରୁତ୍ୱପୂର୍ଣ୍ଣ ଭୂମିକା ନେଇଥିଲେ । ତାଙ୍କର ବ୍ୟକ୍ତିଗତ ଉଦ୍ୟମ ଯୋଗୁଁ ଓଡ଼ିଶାରେ ଅନେକ ହକି ପ୍ରତିଭା ପରବର୍ତ୍ତୀ ସମୟରେ ପରିଚୟ ସୃଷ୍ଟି କରିପାରିଛନ୍ତି । ଭାରତ ୧୯୭୫ ମସିହାରେ ବିଶ୍ୱକପ୍‌ ଜିତିଥିଲା ଏବଂ ଏହି ଟିମ୍‌ର ସଦସ୍ୟ ଥିଲେ ମାଇକେଲ୍‌ କିଣ୍ଡୋ । ତାଙ୍କୁ ଅର୍ଜୁନ ପୁରସ୍କାର ସମେତ ଆହୁରି ଅନେକ କ୍ରୀଡ଼ା ପୁରସ୍କାର ମିଳିଥିଲା ।

Show More
Back to top button