ଭିଜିଲାନ୍ସ ଜାଲରେ ହିନ୍ଦୋଳ ଏସଡିପିଓ

ସତ୍ୟଶିଖା( ଢେଙ୍କାନାଳ )୦୧.୦୬. ୨୦୨୨ : ରାଜ୍ୟରେ ସକ୍ରିୟ ରହିଛି ଭିଜିଲାନ୍ସ ବିଭାଗ । ଗତ କିଛି ମାସ ହେବ ଅସାଧୁ ସରାକରୀ ଅଧିକାରୀ ମାନଙ୍କ ଘରେ ଘନଘନ ଚଢ଼ାଉ କରୁଛି ଭିଜିଲାନ୍ସ ଟିମ୍‌ । ଆଜି କଟକ ଭିଜିଲାନ୍ସ ଆଉ ଜଣେ ଅସାଧୁ ସରକାରୀ ବାବୁଙ୍କୁ ଧରିଛି । ହିନ୍ଦୋଳର ଏସଡିପିଓ ମଳୟ ନାୟକ ଭିଜିଲାନ୍ସ ପଞ୍ଝାରେ ପଡ଼ିଥିବା ସୂଚନା ମିଳିଛି । ସୂଚନା ମୁତାବକ ହିନ୍ଦୋଳର ଏସଡିପିଓ ମଳୟ ନାୟକ ଜଣେ ପଥର ଖଣି ଲିଜଧାରୀଙ୍କ ଠାରୁ ଲାଞ୍ଚ ନେଉଥିଲେ । କାରନ୍ଦା ଛକରେ ନିକଟରେ ଜଣେ ପଥର ଖଣି ଲିଜଧାରୀଙ୍କ ଠାରୁ ୩୦ ହଜାର ଟଙ୍କା ଲାଞ୍ଚ ନେଉଥିବା ସମୟରେ ଭିଜିଲାନ୍ସ ଟିମ୍‌ ତାଙ୍କୁ ଧରିଛି । ପଥର ଗାଡ଼ି ପାସ୍‌ କରାଇଦେବା ପାଇଁ ଏତେଗୁଡ଼ିଏ ଟଙ୍କା ନେଉଥିବା ଜଣାପଡ଼ିଛି । ତେବେ ଆଗରୁ ଏସଡିପିଓ ଏପରି କେତେ ଅସାଧୁ କାର୍ଯ୍ୟରେ ନିୟୋଜିତ ରହିଛନ୍ତି ସେ ନେଇ ଭିଜିଲାନ୍ସ ତଦନ୍ତ କରୁଛି ।