ନୂଆଦିଲ୍ଲୀ: ପୂର୍ବ ଲଦାଖ ସୀମାରେ ଭାରତ ଓ ଚାଇନା ମଧ୍ୟରେ ସୃଷ୍ଟି ହୋଇଥିବା ସୀମା ବିବାଦ ଧୀରେଧୀରେ ଥମିବା ଆରମ୍ଭ ହୋଇଛି। ସୀମାରେ ତିକ୍ତତା ଯୋଗୁ ଉଭୟ ଦେଶ ପକ୍ଷରୁ ପୂର୍ବ ଲଦାଖର ବିଭିନ୍ନ ସୀମାନ୍ତ ଅଞ୍ଚଳରେ ସୈନ୍ୟ ମୁତୟନ କରାଯାଇଥିଲା। ତେବେ ଦୁଇ ଦେଶ ସହମତି ଭିତ୍ତିରେ ସେନା ପ୍ରତ୍ୟାହାର କରିବା ଆରମ୍ଭ କରିଛନ୍ତି।
ଆହୁରି ପଢ଼ନ୍ତୁ
ଦୁଇ ଦେଶ ପରସ୍ପର ସହ ପ୍ରତିରକ୍ଷାସ୍ତରୀୟ ଆଲୋଚନା କରିବା ପାଇଁ ପ୍ରୟାସ କରୁଥିବା ବେଳେ ଏଭଳି ଖବର ଆସିଛି। ଚଳିତ ସପ୍ତାହରେ ଭାରତ ଓ ଚାଇନା ମଧ୍ୟରେ ପ୍ୟାଟ୍ରୋଲିଂ ପଏଣ୍ଟ ୧୪(ଗଲୱାନ ଅଞ୍ଚଳ), ପ୍ୟାଟ୍ରୋଲିଂ ପଏଣ୍ଟ ୧୫ ଓ ହଟ ସ୍ପ୍ରିଙ୍ଗସ ଅଞ୍ଚଳରେ ଆଲୋଚନା କରିବେ।
ତେବେ ଆଜି ଚାଇନା ପକ୍ଷରୁ ଇଷ୍ଟର୍ଣ୍ଣ ଲଦାଖର ଗଲୱାନ ଉପତ୍ୟକା, ପିପି-୧୫ ଓ ହଟ ସ୍ପ୍ରିଙ୍ଗସରୁ ସେନା ପଛକୁ ଘୁଞ୍ଚାଇ ଦିଆଯାଇଛି। ପ୍ରାୟ ୨ରୁ ୨.୫ କିମି ପଛକୁ ଚାଇନା ସେନା ପଛକୁ ଘୁଞ୍ଚି ଯାଇଛି। ଭାରତ ମଧ୍ୟ ଉପରୋକ୍ତ ଅଞ୍ଚଳର ସେନା ଓ ଗାଡ଼ିଗୁଡ଼ିକ ପ୍ରତ୍ୟାହାର କରିଛି। ତେବେ ପାଙ୍ଗୋଙ୍ଗ ଲେକ୍ରେ ଭାରତ ଓ ଚାଇନା ସେନା ମଧ୍ୟରେ ତିକ୍ତତା ଲାଗି ରହିଛି। ଏହି ସ୍ଥାନରେ ହିଁ ପ୍ରଥମେ ଦୁଇ ଦେଶର ସେନା ପରସ୍ପରକୁ ଲାଠି ଓ ପଥର ମାଡ଼ କରିଥିଲେ। ଏଠାରେ ବିବାଦ ପୂର୍ବଭଳି ଜାରି ରହିଛି।
