ସତ୍ୟଶିଖା ୧୩ .୦୮.୨୦୨୦ : ବାଲିକୁଦା ଥାନା ଅଧୀନ ସଦେଇପୁର ଗାଁରେ ଅଭାବନୀୟ ଘଟଣା । ଶୋଇଥିବାବେଳେ ସ୍ୱାମୀକୁ କୁରାଢିରେ ହାଣିଲା ସ୍ତ୍ରୀ । ଘଟଣାସ୍ଥଳରେ ସ୍ୱାମୀ ସୁଶାନ୍ତ ସାମଲ ପ୍ରାଣ ହରାଇଛି । ଘଟଣା ପରେ କବିତା ସାମିଲ ଥାନାରେ ଅଟକ ରଖିଛି । ମୃତକଙ୍କ ଭାଇ ଏ ନେଇ ଥାନାରେ ଏତଲା ଦେବା ପରେ ପୁଲିସ ଛାନଭିନ ଆରମ୍ଭ କରିଛି । ବାଲିକୁଦା ଥାନା ଅନ୍ତର୍ଗତ ସଦେଇପୁର ଗାଁରେ ଗତକାଲି ରାତି ପ୍ରାୟ ଦୁଇଟା ସମୟରେ ସ୍ୱାମୀ ସୁଶାନ୍ତ ସାମଲଙ୍କୁ ଟାଙ୍ଗିଆରେ ହାଣି ସ୍ତ୍ରୀ କବିତା ସାମଲ ହତ୍ୟା କରିଥିଲେ । ଏହା ଫଳରେ ଘଟଣା ସ୍ଥଳରେ ସ୍ୱାମୀ ସୁଶାନ୍ତ ସାମଲଙ୍କର ମୃତ୍ୟୁ ହୋଇଥିଲା । ଆଜି ସକାଳେ ମୃତକଙ୍କ ଭାଇ ରବୀନ୍ଦ୍ର ସାମଲ ଥାନାରେ ଅଭିଯୋଗ ପରେ କବିତା ସାମଲଙ୍କୁ ବାଲିକୁଦା ଥାନାରେ ଅଟକ ରଖିଛି ପୁଲିସ ।
କବିତାଙ୍କର କହିବା ଅନୁଯାୟୀ ସ୍ୱାମୀ ସୁଶାନ୍ତ ଜଣେ ନିଶାସକ୍ତ । ମଦ ପିଇବାକୁ ନେଇ ଉଭୟଙ୍କ ଭିତରେ ସବୁ ବେଳେ ଝଗଡ଼ା ହୁଏ । ଖାଲି ସେତିକି ନୁହେଁ, ନିୟମିତ ଭାବେ ତାଙ୍କୁ ଓ ତାଙ୍କର ଦୁଇ ଝିଅଙ୍କୁ ସୁଶାନ୍ତ ମାଡ଼ ମାରିଥାନ୍ତି । ଏହାକୁ ନେଇ ଗତକାଲି ଉତକ୍ଷିପ୍ତ ହୋଇ ସ୍ୱାମୀ ସୁଶାନ୍ତଙ୍କୁ ଟାଙ୍ଗିଆରେ ହାଣି ହତ୍ୟା କରିଥିବା କବିତା ସ୍ୱୀକାର କରିଛନ୍ତି ।
