ଭୁବନେଶ୍ୱର (ଓଡିଶା ରିପୋର୍ଟର): କରୋନା ସଂକ୍ରମଣ ରୋକିବାକୁ ସମଗ୍ର ଦେଶକୁ ଲକ୍ ଡାଉନ୍ ଘୋଷଣା କରାଯାଇଛି। ଏପରି ସମୟରେ ଅତ୍ୟାବଶ୍ୟକ ସାମଗ୍ରୀକୁ ଛାଡ଼ି ଅନ୍ୟ ସବୁ ଦୋକାନ ବନ୍ଦ ରହିଛି ।
ଆହୁରି ପଢ଼ନ୍ତୁ
ଏପରି ସମୟରେ ମୋବାଇଲ ଦୋକାନ ବନ୍ଦ ରହୁଥିବାରୁ ବହୁ ଲୋକେ ରିଚାର୍ଜ କରିବାରୁ ବଞ୍ଚିତ ହେଉଛନ୍ତି। ଫଳରେ ମୋବାଇଲ କମ୍ପାନୀଗୁଡିକ ଗ୍ରାହକଙ୍କ ସଂଯୋଗ କାଟି ଦେଉଛନ୍ତି ।ଏଥିଯୋଗୁ ଦୂରଦୂରାନ୍ତରେ ରହୁଥିବା ନିଜ ପରିବାରବର୍ଗଙ୍କ ସହ ଯୋଗାଯୋଗ କରିପାରୁନାହାନ୍ତି ବହୁ ଲୋକ ।
ତେଣୁ ଲକ୍ଡାଉନ୍ ସମୟରେ ମୋବାଇଲ ଫୋନ୍ ବ୍ୟବହାରକାରୀଙ୍କ ଇନ୍କମିଂ କଲ୍ ସୁବିଧା ପ୍ରତ୍ୟାହାର ନ ହେଉ। ଏଥିପାଇଁ ଅତିକମ୍ରେ ତିନି ମାସ ପାଇଁ ଟେଲିକମ କମ୍ପାନୀମାନେ ଇନ୍କମିଂ କଲ୍ ସୁବିଧା ଯୋଗାଇଦେବାକୁ ସରକାର କମ୍ପାନୀମାନଙ୍କୁ ନିର୍ଦ୍ଦେଶ ଦିଅନ୍ତୁ। ଏନେଇ ରାଜ୍ୟ ମୁଖ୍ୟ ଶାସନ ସଚିବ ଅସିତ୍ ତ୍ରିପାଠୀ କେନ୍ଦ୍ର ଟେଲି ଯୋଗାଯୋଗ ମନ୍ତ୍ରାଳୟକୁ ଚିଠି ଲେଖିଛନ୍ତି ।
