ସତ୍ୟଶିଖା ( ଭୁବନେଶ୍ୱର ) ୩୦ /୦୯ /୨୦୨୧: ନୀଳଗିରି ସିଡିପିଓ ଅଫିସରେ ଭିଜିଲାନ୍ସ ର ଚଢ଼ାଉ । ଚାକିରୀ କରାଇ ଦେବା ନାଁରେ ୧୦ ହଜାର ଟଙ୍କା ଲାଞ୍ଚ ନେଉଥିଲେ ସୁପରଭାଇଜର । ମାଡିବସିଲା ଭିଜିଲାନ୍ସ ଟିମ୍ । ବାଲେଶ୍ଵର ଜିଲ୍ଲା ନୀଳଗିରି ବ୍ଲକ ଅଧିନ ନରଣପୁର ପଞ୍ଚାୟତର ଅଙ୍ଗନବାଡି -୨ରେ ଅଙ୍ଗନବାଡି କର୍ମୀ ଚାକିରୀ କରାଇ ଦେବାକୁ ସୀତାମଣି ଦେହୁରୀଙ୍କୁ ସୁପଭାଇଜର ଟଙ୍କା ଲାଞ୍ଚ ମାଗିଥିଲେ। ସେ ପୂର୍ବରୁ ବାଲେଶ୍ବର ଭିଜିଲାନ୍ସ ନିକଟରେ ଅଭିଯୋଗ କରିଥିଲେ ।
ଭିଜିଲାନ୍ସ ଏସ୍ପି ସନ୍ତୋଷ ମିଶ୍ରଙ୍କ ନିର୍ଦ୍ଦେଶରେ ଡ଼ିଏସପି ସନ୍ତୋଷ ସମନ୍ତରାୟ ଏକ ଟିମ ମାଧ୍ୟମରେ ସିଡ଼ିପିପିଓ ଅଫିସରେ ଜଗିରହିଥିଲେ। ଆଜି ସୀତାମଣିଙ୍କ ସମ୍ପର୍କୀୟ ସୁପରଭାଇଜର ସୁବର୍ଣା ସିଂ ଙ୍କୁ ୧୦ ହଜାର ଟଙ୍କା ଲାଞ୍ଚ ଦେବା ବେଳେ ମାଡି ବସିଥିଲା ଭିଜିଲାନ୍ସ । ଟଙ୍କାରେ କେମିକାଲ ଦେଇଥିବା ବେଳେ ତାଙ୍କ ହାତ ମଧ୍ୟ ରଙ୍ଗ ବାହାରିଥିଲା। ତାଙ୍କୁ ଗିରଫ କରି ବାଲେଶ୍ଵର ମୁଖ୍ୟ ଅଫିସକୁ ନେଇଛି ଭିଜିଲାନ୍ସ ।
