ସତ୍ୟଶିଖା ( ନୂଆଦିଲ୍ଲୀ ) ୧୫ .୦୮.୨୦୨୦ : ଭେଣ୍ଟିଲେଟରେ ପୂର୍ବତନ ଭାରତୀୟ କ୍ରିକେଟର ଚେତନ ଚୌହାନ। ଜୁଲାଇ ମାସ ପ୍ରାରମ୍ଭରେ ସେ କରୋନା ପଜିଟିଭ ଚି଼ହ୍ନଟ ହୋଇଥିଲେ । ଧୀରେ ଧୀରେ ତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡିବାରୁ ତାଙ୍କୁ ଭେଣ୍ଟିଲେଟରରେ ରଖାଯାଇଛି ବୋଲି ସୂଚନା ମିଳିଛି । ଚୌହାନ ବର୍ତ୍ତମାନ ଉତ୍ତରପ୍ରଦେଶର ଯୋଗି ଆଦିତ୍ୟନାଥ ସରକାରରେ ଜଣେ ମନ୍ତ୍ରୀ ଅଟନ୍ତି । ସେ ଚିକିତ୍ସିତ ହେଉଥିବାର ସଞ୍ଜୟ ଗାନ୍ଧୀ ହସ୍ପିଟାଲରେ ଭେଣ୍ଟିଲେଟରେ ଅଛନ୍ତି ।
କରୋନାରୁ ଆରୋଗ୍ୟ ହୋଇପାରି ନ ଥିବାରୁ ଚୌହାନଙ୍କ କିଡନୀ ଏବଂ ରକ୍ତଚାପ ଜନିତ ସମସ୍ୟା ସୃଷ୍ଟି ହୋଇଥିଲା, ଯାହା ପରେ ତାଙ୍କୁ ଶୁକ୍ରବାର ଦିନ ଭେଣ୍ଟିଲେଟରକୁ ସ୍ଥାନାନ୍ତର କରାଯାଇଥିଲା । ଭାରତ ପକ୍ଷରୁ ଚୌହାନ 40 ଟି ଟେଷ୍ଟ ଏବଂ 7 ଟି ଏକଦିବସୀୟ ମ୍ୟାଚରେ ପ୍ରତିନିଧିତ୍ୱ କରିଛନ୍ତି । ଚୌହାନ ଏବେ ଯୋଗୀ ଆଦିତ୍ୟନାଥଙ୍କ କ୍ୟାବିନେଟରେ ସାଇନିକ୍ ୱେଲଫେୟାର, ହୋମ ଗାର୍ଡ, PRD ଏବଂ ସିଭିଲ୍ ସିକ୍ୟୁରିଟିର ପୋର୍ଟଫୋଲିଓ ଭାବେ କାର୍ଯ୍ୟ କରୁଛନ୍ତି । ପୂର୍ବରୁ ସେ ଉତ୍ତର ପ୍ରଦେଶର କ୍ରୀଡାମନ୍ତ୍ରୀ ଭାବେ ମଧ୍ୟ କାର୍ଯ୍ୟ କରିଥିଲେ । ସେ ବିଜେପିର ସଦସ୍ୟ ରହି ଦୁଇଥର ଲୋକସଭା ସାଂସଦ ଥିଲେ ।
ଚୌହାନ 1969 ମସିହାରେ ନ୍ୟୁଜିଲ୍ୟାଣ୍ଡ ବିପକ୍ଷରେ ଟେଷ୍ଟ ଡେବ୍ୟୁ କରିଥିଲେ। 40 ରୁ ଅଧିକ ଟେଷ୍ଟ ଖେଳିଥିବା ଏହି ଡାହାଣହାତୀ ବ୍ୟାଟ୍ସମ୍ୟାନ୍ 31.57 ହାରରେ ରେ 2084 ରନ୍ ସ୍କୋର କରିଥିଲେ । ଏଥିରେ 16 ଟି ଅର୍ଦ୍ଧଶତକ ସାମିଲ ରହିଛି । ସେହିପରି ସାତୋଟି ଏକଦିବସୀୟ ମ୍ୟାଚରେ ଭାରତକୁ ପ୍ରତିନିଧିତ୍ୱ କରି ସେ 153 ରନ୍ ସ୍କୋର କରିଥିଲେ । ଚେତନ ଚୌହାନ ଟେଷ୍ଟର ପ୍ରଥମ ଖେଳାଳି ଯିଏକି ବିନା ଶତକରେ 2000 ରୁ ଅଧିକ ସ୍କୋର କରିଥିଲେ ।
