ନୀଳଗିରି (ବିଶ୍ୱମ୍ବର ଦାସ): ବାଲେଶ୍ୱର ଜିଲ୍ଲା ନୀଳଗିରିର ଏକ କ୍ୱାରେଣ୍ଟାଇନ ସେଣ୍ଟରରେ ପ୍ରବାସୀଙ୍କୁ ଦୁର୍ବ୍ୟବହାର କରାଯାଉଥିବା ଭିଡିଓ ସୋଶାଲ ମିଡିଆରେ ଭାଇରାଲ ହେଉଛି। ବାସି ଖାଦ୍ୟ ଖାଇବାକୁ ଦିଆଯାଇଥିବାରୁ ପ୍ରବାସୀମାନେ ପ୍ରତିବାଦ କରିବାରୁ ଖାଦ୍ୟ ଯୋଗାଉ ଥିବା ସଂସ୍ଥାର କର୍ମଚାରୀ ସେମାନଙ୍କୁ ଧମକ ଚମକ ଦେଉଛନ୍ତି। ଭାଇରାଲ ଭିଡିଓଟି ଗତକାଲିର ବୋଲି ଜଣାଯାଇଛି।
ଆହୁରି ପଢ଼ନ୍ତୁ
ମିଳିଥିବା ସୂଚନା ଅନୁସାରେ, ଗତକାଲି ନୀଳଗିରି ମହିଳା ମହାବିଦ୍ୟାଳୟ କ୍ୱାରେଣ୍ଟାଇନ୍ ସେଣ୍ଟରରେ ରାତ୍ରିଭୋଜନରେ ପ୍ରବାସୀଙ୍କୁ ବାସି ଭାତ ଖାଦ୍ୟ ଖାଇବାକୁ ଦିଆଯାଇଥିଲା। ପ୍ରବାସୀମାନେ ଏହାକୁ ନ ଖାଇ ଫିଙ୍ଗି ଦେଇଥିଲେ। ଏନେଇ ପ୍ରତିବାଦ କରିବାରୁ ଖାଦ୍ୟ ଯୋଗାଉ ଥିବା ସଂସ୍ଥାର କର୍ମଚାରୀ ଧମକ ଚମକ ଦେବା ସହ ଦୁର୍ବ୍ୟବହାର କରିଥିଲେ ବୋଲି ପ୍ରବାସୀମାନେ ଅଭିଯୋଗ କରିଛନ୍ତି। ସେହି ସମୟର ଦୃଶ୍ୟ ସୋଶାଲ ମିଡିଆରେ ଏବେ ଭାଇରାଲ ହେଉଛି।
ମହାସଙ୍ଗ ସେକ୍ରେଟାରୀ ରଜନୀ ମହାନ୍ତି କହିଛନ୍ତି,“ଗତକାଲି ରାତିରେ ସେମାନଙ୍କୁ ଭଲ ଭାତ ଖାଇବାକୁ ଦିଆଯାଇଥିଲା। ସେମାନେ ବାସି ଭାତ ଦିଆଯାଇଛି ବୋଲି କହି ଖାଇ ନ ଥିଲେ। ଆମେ ସେମାନଙ୍କୁ ଦୁର୍ବ୍ୟବହାର କରିନାହୁଁ। ସେମାନେ ଆମକୁ ଅସୁବିଧାରେ ପକାଇବାକୁ ଏପରି କରିଛନ୍ତି।”
