ସତ୍ୟଶିଖା( ଝାରସୁଗୁଡା)୩୦.୦୭ . ୨୦୨୨: ସ୍ୱାସ୍ଥ୍ୟମନ୍ତ୍ରୀଙ୍କ ଜିଲ୍ଲାରେ ହଇଜା ତାଣ୍ଡବ । ଗଡିଲା ଗୋଟିଏ ପରିବାରର ଦୁଇ ମୁଣ୍ଡ । ଦେବାଡ଼ିହି ଗାଁରେ ଝାଡାବାନ୍ତିରେ ବାପ-ପୁଅ ମୃତ । ଗାଁରେ 10 ରୁ ଅଧିକ ଝାଡାବାନ୍ତିରେ ଆକ୍ରାନ୍ତ ହୋଇଛନ୍ତି । ଏବେ ଜିଲ୍ଲା ମୁଖ୍ୟ ହସ୍ପିଟାଲରେ ଚିକିତ୍ସିତ ହେଉଛନ୍ତି ଆକ୍ରାନ୍ତ । ଅନ୍ୟପଟେ ଗାଁରେ ଗୋଟିଏ ବି ଶୌଚାଳୟ ନଥିବାବେଳେ ଲୋକେ ବାହାରକୁ ଶୌଚ ପାଇଁ ଯାଉଥିବା ସୂଚନା ରହିଛି ।
ଝାରସୁଗୁଡା ଜିଲ୍ଲା 13 ନମ୍ବର ୱାର୍ଡ ଦେବାଡ଼ିହି ଗାଁ ର ଝାଡାବାନ୍ତିରେ ପ୍ରଥମେ ପୁଅ ଅକୁର ପ୍ରଧାନଙ୍କ ଜୀବନ ଯାଇଥିବାବେଳେ ଆଜି ବାପା ଶ୍ରୀପ୍ରସାଦ ପ୍ରଧାନଙ୍କ ଜୀବନ ଯାଇଛି । ଅନେକ ହଇଜା ଆକ୍ରାନ୍ତ ଏବେ ଜିଲ୍ଲା ମୁଖ୍ୟ ଡାକ୍ତରଖାନରେ ଚିକିତ୍ସିତ ହେଉଥିବା ବେଳେ ଅର୍ଥ ଅଭାବରୁ ଘରେ ରହି ଚିକିତ୍ସିତ ହେଉଛନ୍ତି । ଗାଁ ରେ ଗୋଟିଏ ବି ପାଇଖାନା ନଥିବାରୁ ସମସ୍ତେ ପାଖ ପଡିଆକୁ ଶୌଚ ପାଇଁ ଯାଉଥିବା କହିଛନ୍ତି ଗ୍ରାମବାସୀ ।
