ପରିବା ବ୍ୟବସାୟୀ ବସିଥିବା ସ୍ଥାନରୁ ଉଠିବାକୁ ମନା କରିବାରୁ ଉତ୍ତେଜନା


ରାଉରକେଲା (ସତ୍ୟାନନ୍ଦ ମହାନ୍ତି): ରାଉରକେଲା ରିଙ୍ଗ୍ ରୋଡ଼ ସାଇଡରେ ବସିଥିବା ଖୁଚୁରା ପରିବା ବ୍ୟବସାୟୀ ଅନ୍ୟତ୍ର ସ୍ଥାନାନ୍ତର ହେବାକୁ ମନା କରିବାରୁ ଉତ୍ତେଜନା ପ୍ରକାଶ ପାଇଛି। ପରିବା ବ୍ୟବସାୟୀମାନେ ଏବେ ବସିଥିବା ସ୍ଥାନରୁ ନ ଉଠିବାକୁ ଜିଦ୍ ଧରିବାରୁ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଛି।
ଆହୁରି ପଢ଼ନ୍ତୁ
ମିଳିଥିବା ସୂଚନା ଅନୁସାରେ, ସାମାଜିକ ଦୂରତ୍ୱକୁ ଦୃଷ୍ଟିରେ ରଖି ରାଉରକେଲା ଟ୍ରାଫିକ ଗେଟ୍ ନିକଟରେ ବସୁଥିବା ଖୁଚୁରା ପରିବା ବ୍ୟବସାୟୀଙ୍କୁ ରିଙ୍ଗ ରୋଡ଼ ସାଇଡରେ ବସା ଯାଇଥିଲା। ରାଉରକେଲା ମହାନଗର ନିଗମ ଏବଂ ରାଉରକେଲା ଇସ୍ପାତ କାରଖାନା କର୍ତ୍ତୃପକ୍ଷ ମିଳିତ ଭାବେ ଏହି ନିଷ୍ପତ୍ତି ନେଇଥିଲେ।
ଆଜି ସକାଳେ ଇସ୍ପାତ କାରଖାନା ଲ୍ୟାଣ୍ଡ ଗାର୍ଡମାନେ ମାଇକ୍ ଦ୍ୱାରା ପ୍ରଚାର କରି ପରିବା ବ୍ୟବସାୟୀଙ୍କୁ ସେଠାରୁ ସ୍ଥାନାନ୍ତର ହେବା ପାଇଁ କହିଥିଲେ। ତେବେ ପରିବା ବ୍ୟବସାୟୀମାନେ ଅନ୍ୟ ସ୍ଥାନକୁ ସ୍ଥାନାନ୍ତର ହେବା ପାଇଁ ରାଜି ହୋଇ ନ ଥିଲେ। ପୂର୍ବରୁ କୌଣସି ସୂଚନା ନ ଦିଆଯାଇ ହଠାତ୍ ଅନ୍ୟତ୍ର ସ୍ଥାନାନ୍ତର ହେବାକୁ କୁହାଯିବାରୁ ଉତ୍ତେଜନା ସୃଷ୍ଟି ହୋଇଥିଲା। ରାଉରକେଲା ଇସ୍ପାତ କାରଖାନା କର୍ତ୍ତୃପକ୍ଷ ଘଟଣାସ୍ଥଳରେ ପହଞ୍ଚିଛନ୍ତି।