ସତ୍ୟଶିଖା ୨୭.୦୮.୨୦୨୦ : କରୋନା ମହାମାରୀ ସାରା ଦେଶରେ କାୟା ବିସ୍ତାର କରିଛି | କରୋନା ମହାମାରୀ ଦ୍ୱାରା ବଲିଉଡ ମଧ୍ୟ କବଳିତ । ନିକଟରେ ବଚ୍ଚନ ପରିବାର ମଧ୍ୟ ଏହି ମହାମାରୀର ଶିକାର ହୋଇଥିଲେ । ତେବେ ପରିବାର ଏହି ରୋଗକୁ ଆରୋଗ୍ୟ ଲାଭ କରିଛନ୍ତି । ବର୍ତ୍ତମାନ ଖବର ପ୍ରକାଶ ପାଇଛି ଯେ କରୋନା ଭୂତାଣୁ ‘ବାହୁବଲୀ’ର ଅଭିନେତ୍ରୀ ତମନ୍ନା ଭାଟିଆଙ୍କ ଘରେ ମଧ୍ୟ ପହଞ୍ଚିଛି । ଅଭିନେତ୍ରୀଙ୍କ ପିତାମାତା କରୋନା ପଜିଟିଭ୍ ବୋଲି ଜଣାପଡିଛନ୍ତି ।
ମିଡିଆ ମାଧ୍ୟମରେ ତମନ୍ନା ଏହି ସୂଚନା ଦେଇଛନ୍ତି । ବୁଧବାର ଦିନ ତମନ୍ନା ଏକ ପୋଷ୍ଟ ମାଧ୍ୟମରେ କହିଛନ୍ତି ଯେ ତାଙ୍କ ପିତା ସାନ୍ତୋଶ ଏବଂ ମାତା ରଜନୀଙ୍କର କୋଭିଡ -19 ର ସାମାନ୍ୟ ଲକ୍ଷଣ ରହିଛି । ଯାହା ପରେ ଉଭୟଙ୍କ ପରୀକ୍ଷା କରାଯାଇଥିଲା । ଟେଷ୍ଟରୁ ଉଭୟ ତମନ୍ନାଙ୍କ ପିତାମାତା ସକରାତ୍ମକ ଥିବା ଜଣାପଡିଛି । ଏହା ପରେ ତମନ୍ନା ଏବଂ ପରିବାରର ଅନ୍ୟ ସଦସ୍ୟମାନେ ମଧ୍ୟ କରୋନା ପରୀକ୍ଷା କରିଥିଲେ । ତେବେ ଅନ୍ୟ ସମସ୍ତଙ୍କର ରିପୋର୍ଟ ନକାରାତ୍ମକ ଆସିଛି । ବୁଧବାର ତମନ୍ନା ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ଆକାଉଣ୍ଟ ମାଧ୍ୟମରେ ଏହି ସୂଚନା ଦେଇଛନ୍ତି ।
