ପୋଖରୀରେ ବୁଡ଼ିଗଲେ ଦୁଇ ସାଙ୍ଗ

ଭଦ୍ରକ (ପାର୍ଥସାରଥୀ ନାୟକ): ପରୀକ୍ଷା ଦେଇ ଘରକୁ ଫେରି ଦୁଇ ସାଙ୍ଗ ଖେଳୁଥିବା ବେଳେ ପୋଖରୀରେ ପଡ଼ି ଯାଇଥିଲେ। ଫଳରେ ଦୁଇ ସାଙ୍ଗଙ୍କ ମୃତ୍ୟୁ ଘଟିଛି। ଆଜି ଏପରି ଦୁଃଖଦ ଘଟଣା ଭଦ୍ରକ ଗ୍ରାମାଞ୍ଚଳ ଥାନା ଅଞ୍ଚଳରେ ଘଟିଛି।

ଚତୁର୍ଥ ଶ୍ରେଣୀରେ ପଢ଼ୁଥିବା ସାବରଙ୍ଗ ଗାଁର ବିଶ୍ୱଜିତ ବେହେରା ଓ ତୃତୀୟ ଶ୍ରେଣୀ ଛାତ୍ର ଦେବୀଦତ୍ତ ଧୁପାଳ ସାଙ୍ଗ ହୋଇ ପୋଖରୀ ପାଖରେ ଖେଳୁଥିଲେ। ଅସାବଧାନତା ଯୋଗୁଁ ଦୁହେଁ ପୋଖରୀରେ ଖସି ପଡ଼ିଥିଲେ। ଚିତ୍କାର ଶୁଣି ସେହି ରାସ୍ତାରେ ଯାଉଥିବା ଲୋକେ ସେମାନଙ୍କୁ ଉଦ୍ଧାର କରି ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ।