ପଦ୍ମପୁର (ସୋମେଶ ମହାନ୍ତି): ଘରେ ନିଆଁ ଲାଗି ବାପା, ମାଆ ସହ ୨ ବର୍ଷର ପୁଅ ଗୁରୁତର ଆହତ ହୋଇଛନ୍ତି। ଏ ଘଟଣା ବରଗଡ଼ ଜିଲ୍ଲା ଦହିଗା ପଞ୍ଚାୟତ ଅନ୍ତର୍ଗତ ଅନ୍ତୁର୍ଲା ଗାଁରେ ଘଟିଛି। ଆହତ ସୁନୀଲ ଦେହେରି, ତାଙ୍କ ସ୍ତ୍ରୀ ଯାଜ୍ଞସିନୀ ଓ ପୁଅ ଚିନ୍ମୟଙ୍କୁ ବୁର୍ଲା ସ୍ଥାନାନ୍ତର କରାଯାଇଛି।
ଆହୁରି ପଢ଼ନ୍ତୁ
ଆଜି ସକାଳେ ସର୍ଟ ସର୍କିଟ ଯୋଗୁ ସୁନୀଲଙ୍କ ଘରେ ନିଆଁ ଲାଗିଯାଇଥିଲା। ସଙ୍ଗେ ସଙ୍ଗେ ନିଆଁ ଚାରିଆଡ଼କୁ ବ୍ୟାପି ଯାଇଥିଲା। କେହି ଘରୁ ବାହାରି ପାରି ନ ଥିଲେ। ଗ୍ରାମବାସୀ ପହଞ୍ଚି ନିଆଁକୁ ଆୟତ୍ତ କରିବା ସହ ସୁନୀଲ, ତାଙ୍କ ସ୍ତ୍ରୀ ଓ ପୁଅକୁ ଉଦ୍ଧାର କରିଥିଲେ। ପରେ ସେମାନଙ୍କୁ ପଦ୍ମପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ପ୍ରାଥମିକ ଚିକତ୍ସା ପରେ ସେମାନଙ୍କୁ ବୁର୍ଲା ସ୍ଥାନାନ୍ତର କରାଯାଇଛି।
ନିଆଁରେ ଘରର ସମସ୍ତ ଆସବାବ ପତ୍ର ପୋଡ଼ିଯାଇଛି।
