ଦେଶଶିକ୍ଷା

ସିବିଏସ୍‌ଇ ପରେ ଆଇଏସ୍‌ସି ଦ୍ୱାଦଶ ବୋର୍ଡ ପରୀକ୍ଷା ବି ବାତିଲ

ସତ୍ୟଶିଖା(ନୂଆଦିଲ୍ଲୀ ) ୦୨.୦୬.୨୦୨୧: ସିବିଏସ୍‌ଇ ଢାଞ୍ଚା ଆପଣାଇଣାଇଲା ସିଆଇଏସ୍‌ସିଇ। କେନ୍ଦ୍ର ସରକାର ସିବିଏସ୍‌ଇ ଦ୍ୱାଦଶ ବୋର୍ଡ ପରୀକ୍ଷା ବାତିଲ କରିବାର କିଛି ଘଣ୍ଟା ପରେ ସିଆଇଏସ୍‌ସିଇ ମଧ୍ୟ ଆଇଏସସି ଦ୍ୱାଦଶ ବୋର୍ଡ ପରୀକ୍ଷାକୁ ବାତିଲ କରିଛି। ସିଆଇଏସ୍‌ସିଇର ମୁଖ୍ୟ କାର୍ଯ୍ୟନିର୍ବାହୀ ଗେରୀ ଆରଥୋନ ଏ ସମ୍ପର୍କରେ ସୂଚନା ଦେଇଛନ୍ତି।

ସେ କହିଛନ୍ତି, ବିକଳ୍ପ ବ୍ୟବସ୍ଥା ଦ୍ୱାରା ଦ୍ୱାଦଶ ଶ୍ରେଣୀ ପିଲାଙ୍କ ମାର୍କ ପ୍ରସ୍ତୁତ ହେବ। ଖୁଶୀଘ୍ର ଏ ସମ୍ପର୍କରେ ବିସ୍ତୃତ ବ୍ୟବସ୍ଥା ଗ୍ରହଣ କରାଯିବ ଓ ସମସ୍ତଙ୍କୁ ଅବଗତ କରାଯିବ। ସମ୍ଭବତଃ କାଲି ମାର୍କିଂ ପଦ୍ଧତି ଘୋଷଣା କରାଯାଇପାରେ। କରୋନା ମହାମାରୀ ଦୃଷ୍ଟିରୁ ଚଳିତ ବର୍ଷ ଆଇଏସ୍‌ସିର ଦ୍ୱାଦଶ ପରୀକ୍ଷା ହେବନାହିଁ ବୋଲି ସେ କହିଛନ୍ତି।

ଏପ୍ରିଲ ମାସରେ ସିଆଇଏସସିଇ କହିଥିଲା ଯେ କରୋନା ସ୍ଥିତିକୁ ଦୃଷ୍ଟିରେ ରଖି ପରୀକ୍ଷା ତାରିଖ ସ୍ଥିର କରାଯିବ। ଏପ୍ରିଲ ମାସରେ ହିଁ ସିଆଇଏସସିଇ ୧୦ ବୋର୍ଡ ପରୀକ୍ଷା ବାତିଲ କରିଥିଲା। ସୂଚନାଯୋଗ୍ୟ, ଆଜି ସନ୍ଧ୍ୟାରେ ମହାମାରୀ କରୋନା ସ୍ଥିତିକୁ ଦୃଷ୍ଟିରେ ରଖି କେନ୍ଦ୍ର ସରକାର ସିବିଏସ୍‌ଇ ଦ୍ୱାଦଶ ବୋର୍ଡ ପରୀକ୍ଷାକୁ ବାତିଲ କରିଛନ୍ତି।

Show More
Back to top button