ଅନୁଗୋଳ (ବିରଜା ପ୍ରସାଦ ଦାଶ): ସ୍ୱାମୀ ବାହାରେ ରହୁଥିବା ବେଳେ ମହିଳାଙ୍କର ଫେସବୁକରେ ଅନ୍ୟ ଗାଁର ଜଣେ ଯୁବକଙ୍କ ସହ ଦୋସ୍ତି ହୋଇଥିଲା। ପରେ କିଛି ଦିନ କଥାବାର୍ତ୍ତା ପରେ ଦୁଇ ଜଣଙ୍କ ମଧ୍ୟରେ ଅନୈତିକ ସମ୍ପର୍କ ଗଢ଼ି ଉଠିଥିଲା। ମହିଳାଙ୍କ ଶ୍ୱଶୁର ଉଭୟଙ୍କୁ ଅସଂଯତ ଅବସ୍ଥାରେ ଦେଖି ଗ୍ରାମବାସୀଙ୍କୁ ଡାକିଥିଲେ। ଗ୍ରାମବାସୀ ଉଭୟଙ୍କୁ ନିସ୍ତୁକ ମାଡ଼ ମାରିଥିଲେ। ଏଭଳି ଅଭାବନୀୟ ଘଟଣା ଅନୁଗୋଳ ଜିଲ୍ଲା ଠାକୁରଗଡ଼ ଥାନା ଅନ୍ତର୍ଗତ ଟାପଢୋଲ ଗାଁରେ ଘଟିଛି।
ମିଳିଥିବା ସୂଚନା ଅନୁସାରେ, ଉରୁକୁଳା ଗାଁର ଜଣେ ଯୁବକ ଛଦ୍ମ ନାମ (ବୁଲୁ) ଟାପଢୋଲ ଗାଁର ଜଣେ ବିବାହିତ ମହିଳା ଛଦ୍ମ ନାମ (ନିମି)ଙ୍କ ଫେସବୁକ୍ରେ ଚିହ୍ନା ହୋଇଥିଲା। ବେଶ୍ କିଛି ଦିନ ଉଭୟଙ୍କ ମଧ୍ୟରେ ଫେସବୁକ୍ରେ କଥାବାର୍ତ୍ତା ହୋଇଥିଲା। ପରେ ନିମି ପ୍ରତିଦିନ ବୁଲୁଙ୍କୁ ଘରକୁ ଡାକୁଥିଲେ। ବୁଲୁ ପ୍ରତିଦିନ ଘରକୁ ଆସୁଥିବା ଦେଖି ଶ୍ୱଶୁରଙ୍କ ସନ୍ଦେହ ହୋଇଥିଲା।
ଆହୁରି ପଢ଼ନ୍ତୁ
ଗତ ରବିବାର ରାତିରେ ଉଭୟଙ୍କୁ ଅସଂଯତ ଅବସ୍ଥାରେ ଶ୍ୱଶୁର ଦେଖିଥିଲେ। ପରେ ଉଭୟ ପ୍ରେମୀଯୁଗଳଙ୍କୁ ଘରେ ତାଲା ପକାଇଦେଇ ଗାଁ ଲୋକଙ୍କୁ ଡାକିଥିଲେ। ଗ୍ରାମବାସୀ ଉଭୟଙ୍କୁ ନିସ୍ତୁକ ମାଡ଼ ମାରିଥିଲେ। ପରେ ଉଭୟ ଗାଁ ମଧ୍ୟରେ ଆପୋଷ ବୁଝାମଣା ହେବା ପରେ ବୁଲୁ ତାଙ୍କ ସାଙ୍ଗରେ ନିମିଙ୍କୁ ନେଇ ଯାଇଥିଲେ। ନିମିଙ୍କର ତିନିବର୍ଷର ଛୁଆଥିଲା। ସେ ତାଙ୍କ ଛୁଆକୁ ଶ୍ୱଶୁରଙ୍କ ପାଖରେ ଛାଡ଼ି ଚାଲି ଯାଇଥିଲେ। ନିମିଙ୍କ ସ୍ୱାମୀ ବାହାରେ ରହି କାମ କରନ୍ତି।
