ନୂଆଦିଲ୍ଲୀ: ମୋଦି ସରକାରଙ୍କ ବହୁ ପ୍ରତିକ୍ଷୀତ କେନ୍ଦ୍ରୀୟ ଭିସ୍ତା ପ୍ରକଳ୍ପ କାମ ଉପରେ ରୋକ ଲଗାଇବାକୁ ସୁପ୍ରିମକୋର୍ଟ ମନା କରଦେଇଛନ୍ତି। ଏହି ପ୍ରକଳ୍ପ ଅଧୀନରେ କେନ୍ଦ୍ର ସରକାର ନୂଆ ସଂସଦ ଭବନ, ମନ୍ତ୍ରଣାଳୟ ଗୁଡ଼ିକ ପାଇଁ ନୂଆ ସେକ୍ରେଟେରିଏଟ କମ୍ପ୍ଲେକ୍ସ, ପ୍ରଧାନମନ୍ତ୍ରୀଙ୍କ ବାସଭବନ ଓ ଉପ ରାଷ୍ଟ୍ରପତିଙ୍କ ପାଇଁ ବାସଭବନ ନିର୍ମାଣ ହେବ।
ଏହି ପ୍ରକଳ୍ପ କାମ ୨୦୨୪ ସୁଦ୍ଧା ଶେଷ କରିବାକୁ ଲକ୍ଷ୍ୟ ରଖାଯାଇଛି। ଡାଲହାଉସି ରୋଡ ନିକଟରେ ୧୫ ଏକର ପ୍ଲଟରେ ଏଗୁଡ଼ିକ ନିର୍ମାଣ କରାଯିବ।
ଆହୁରି ପଢ଼ନ୍ତୁ
ଦେଶବାସୀ କରୋନା ସହ ଲଢ଼େଇ କରୁଥିବା ବେଳେ କେନ୍ଦ୍ର ସରକାର ଏହି ପ୍ରକଳ୍ପ କାମ ଆରମ୍ଭ କରିବାକୁ ନେଇ ବିରୋଧୀ ଦଳଗୁଡ଼ିକ ପ୍ରଶ୍ନ ଉଠାଇଥିଲେ। ଏପରି କି ମାମଲା ସୁପ୍ରିମକୋର୍ଟରେ ପହଞ୍ଚିଥିଲା।
ପ୍ରଧାନ ବିଚାରପତି ଜଷ୍ଟିସ ଏସଏ ବୋବଡେଙ୍କ ନେତୃତ୍ୱରେ ଗଠିତ ଖଣ୍ଡପୀଠ ଏହା ଉପରେ ରୋକ ଲଗାଇବାକୁ ମନା କରିଦେଇଛନ୍ତି। କେନ୍ଦ୍ରର ଏହି ଭିସ୍ତା ପ୍ରକଳ୍ପ ପାଇଁ ୨୦ ହଜାର କୋଟି ଟଙ୍କା ଖର୍ଚ୍ଚ ହେବ।
