ଦିଲ୍ଲୀ ସ୍ୱାସ୍ଥ୍ୟମନ୍ତ୍ରୀଙ୍କ ଫୁସଫୁସ କରୋନାରେ ସଂକ୍ରମିତ

ନୂଆଦିଲ୍ଲୀ: ଦିଲ୍ଲୀ ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନଙ୍କ ଫୁସଫୁସକୁ କରୋନାରେ ସଂକ୍ରମିତ ହୋଇଛି। ଆଗାମୀ ସମୟରେ ମନ୍ତ୍ରୀଙ୍କର ସ୍ୱାସ୍ଥ୍ୟାବସ୍ଥା ଜଟିଳ ହୋଇପାରେ ଆଶଙ୍କା କରି ଏବେ ତାଙ୍କୁ ଅକ୍ସିଜେନ୍ ସପୋର୍ଟରେ ରଖାଯାଇଛି।

ବୁଧବାର ସେ କରୋନାରେ ଆକ୍ରାନ୍ତ ହୋଇଥିବା ସ୍ପଷ୍ଟ ହୋଇଥିଲା। ଚିକିତ୍ସା ପରେ ଗୁରୁବାର ସତ୍ୟେନ୍ଦ୍ରଙ୍କର ସ୍ୱାସ୍ଥ୍ୟାବସ୍ଥା ଠିକ୍ ରହିଥିଲା। ହେଲେ ତାଙ୍କ ଶୀରରରେ ଜ୍ୱର କମିନଥିଲା। ଏହାପରେ ଡାକ୍ତରୀ ଟିମ୍ ତାଙ୍କୁ ଅକ୍ସିଜେନ୍ ସପୋର୍ଟରେ ରଖିଛନ୍ତି। ଅନ୍ୟପଟେ ଦିଲ୍ଲୀ ସରକାର କହିଛନ୍ତି, ସ୍ୱାସ୍ଥ୍ୟମନ୍ତ୍ରୀଙ୍କ ଚିକିତ୍ସା ଉପରେ ସରକାରଙ୍କ ନଜର ରହିଛି। ସତ୍ୟେନ୍ଦ୍ର ଯେଉଁମାନଙ୍କ ସଂସ୍ପର୍ଶରେ ଆସିଥିଲେ ସେମାନଙ୍କୁ ଖୋଜି ଯାଇ କ୍ୱାରେଣ୍ଟାଇନରେ ରଖିବାକୁ ବ୍ୟବସ୍ଥା କରାଯାଉଛି।