ସତ୍ୟଶିଖା( ଭୁବନେଶ୍ୱର)୧୩.୦୪.୨୦୨୨ ଆଜି ମହାବିଷୁବ ସଂକ୍ରାନ୍ତି । ଆଜି ତିଥିକୁ ଓଡ଼ିଆ ନବବର୍ଷ ଭାବେ ପାଳନ କରାଯାଏ । ମହାବିଷୁବ ସଂକ୍ରାନ୍ତି ବା ପଣା ସଂକ୍ରାନ୍ତି ପାଳନ ପାଇଁ ବ୍ୟାପକ ପ୍ରସ୍ତୁତି ଆରମ୍ଭ ହୋଇଛି । ଦୁଇ ବର୍ଷ ହେବ କରୋନା କଟକଣା ଯୋଗୁ ଏହା କେବଳ ପ୍ରତୀକାତ୍ମକ ପାଳନ ହେଉଥିବା ବେଳେ ଏଥର ଏହାକୁ ଉତ୍ସବ ଭାବେ ପାଳନ କରିବା ପାଇଁ ସମସ୍ତେ ଉତ୍ସାହିତ ହୋଇପଡ଼ିଛନ୍ତି ।
ଆଜି ପଣା ତିଆରି କରିବାର ଏକ ନିଆରା ପରମ୍ପରା ରହିଛି । ମହାବିଷୁବ ସଂକ୍ରାନ୍ତି ଅବସରରେ ପାଳିତ ହୁଏ ହନୁମାନ ଜୟନ୍ତୀ । ଏଥିପାଇଁ ବିଭିନ୍ନ ମନୁମାନ ମନ୍ଦିରରେ ବ୍ୟାପକ ପ୍ରସ୍ତୁତି ହୋଇଛି । ପୁରୀ ଜଗନ୍ନାଥ ମନ୍ଦିରେ ଆଜି ପ୍ରଚଳିତ ହେବ ନୂଆପାଞ୍ଜି । ତାରିଣୀ ମନ୍ଦିରେ ଚଇତି ପର୍ବ ପାଇଁ ବେଶ ଚଳଚଂଚଳ ରହିଛି । ମାଆଙ୍କ ଦର୍ଶନ ପାଇଁ ଶ୍ରଦ୍ଧାଳୁଙ୍କ ଭିଡ ଲାଗିଛି ।
