ନୂଆଦିଲ୍ଲୀ: ଚାଇନା ସହ ଭାରତର ଚାଲିଥିବା ତିକ୍ତତା ମଧ୍ୟରେ ଆଜି ତାଇୱାନ ଭାରତକୁ ପରୋକ୍ଷରେ ସମର୍ଥନ ଘୋଷଣା କରିଛି। ଏଥିସହ ତାଇୱାନ ମିଡିଆ ଭାରତ ସମର୍ଥନରେ ଏକ ଫଟୋ ଚିତ୍ର ଜାରି କରିଛି। ଏହାର ଶୀର୍ଷକ ରହିଛି Ram battles dragon। ଅର୍ଥାତ ରାମ ଡ୍ରାଗନ ସହ ଯୁଦ୍ଧ କରୁଛନ୍ତି। ଫଟୋରେ ରାମ ଡ୍ରାଗନକୁ ତୀର ମାଡ଼ କରିଥିବା ଦୃଶ୍ୟ ରହିଛି।
ଆହୁରି ପଢ଼ନ୍ତୁ
ଜଣେ ହଂକଂ ୟୁଜର୍ସ ଏହାକୁ ସୋଶାଲ ମିଡିଆରେ ପୋଷ୍ଟ କରିଛନ୍ତି। ହଂକଂ ୟୁଜର୍ର୍ସ ଏହି ଫଟୋକୁ ଶେୟାର କରି ଲେଖିଛନ୍ତି, “ଜଣେ ଭାରତୀୟ ବନ୍ଧୁ ସିନୋ-ଇଣ୍ଡିଆନ ଯୁଦ୍ଧର ପୋଷ୍ଟରକୁ ଅତ୍ୟନ୍ତ ସୁନ୍ଦର ଭାବେ ଚିତ୍ରଣ କରିସାରିଛନ୍ତି।”
ମାତ୍ର ୨୧ ଘଣ୍ଟା ମଧ୍ୟରେ ଏହି ପୋଷ୍ଟ ୮୬୧ଟି ଲାଇକ ପାଇଥିବା ବେଳେ ୩୦୦ ରି-ଟ୍ୱିଟ ଓ ୩୪ କମେଣ୍ଟ ପାଇଛି। ପୋଷ୍ଟକୁ ଶେୟାର କରିଥିବା ହଂକଂ ୟୁଜର୍ସଙ୍କୁ ଅନେକ ଭାରତୀୟ ଧନ୍ୟବାଦ ଜଣାଇଛନ୍ତି। ଏହାର ଉତ୍ତର ଦେଇ ସେ କହିଛନ୍ତି ଯେ “ଆମେ ବି ଆପଣଙ୍କ ଭଳି। ଦୟା କରି ଜାଣି ରଖନ୍ତୁ ଯେ ଆମେ ଆପଣଙ୍କୁ ସମର୍ଥନ କରୁଛୁ।”
