ସତ୍ୟଶିଖା(ଭୁବନେଶ୍ୱର) ୧୪.୧୧.୨୦୨୩ : ଗତ କିଛି ଦିନ ହେଲା ଥଣ୍ଡାର ପ୍ରକୋପ ବଢ଼ିଚାଲିଛି। ଏଥିରୁ ରକ୍ଷା ପାଇବାପାଇଁ ଲୋକେ ଚା’ କଫି ନିୟମିତ ପିଇବା ଆରମ୍ଭ କରିଦେଇଥାନ୍ତି। ଭାରତ ସମେତ ଦୁନିଆଁର ବହୁ ସ୍ଥାନରେ ଚା’ ଏବଂ କଫି ଭାରି ଲୋକପ୍ରିୟ। ଏଥିପାଇଁ ଶୀତ ହେବା ଆରମ୍ଭରୁ ହିଁ ଲୋକେ ସକାଳ ଆରମ୍ଭ ଚା’ କଫିରୁ କରିଥାନ୍ତି। କିନ୍ତୁ କଣ ଆପଣ ଜାଣିଛନ୍ତି ସକାଳୁ ଖାଲି ପେଟରେ ଚା’ ପିଇଲେ ଗ୍ୟାସ ସମସ୍ୟା, ପେଟ ଦରଜ ଏବଂ କବ୍ଜ ସମସ୍ୟା ମଧ୍ୟ ବୃଦ୍ଧି ପାଇଥାଏ। ତେବେ ଏସବୁ ରୋଗରୁ ରକ୍ଷା ପାଇବାକୁ ଆମେ ଆପଣଙ୍କୁ କିଛି ହେଲଦି ସଲ୍ୟୁଶନ ବିଷୟରେ ଜଣାଇବୁ। ଏହି ଉପାୟକୁ ଆପଣ ପ୍ରତିଦିନ ଫଲୋ କରିବାଦ୍ବାରା ଆପଣଙ୍କ ମର୍ନିଂ ରିଫ୍ରେଶିଂ ହୋଇଥାଏ।
ଗରମ ପାଣି: ଆପଣ ଆପଣଙ୍କ ଦିନର ଆରମ୍ଭ ଏକ ଗ୍ଲାସ ଗରମ ପାଣିରୁ କରନ୍ତୁ। ସକାଳୁ ଉଠି ଗୋଟିଏ ଗ୍ଲାସ ଉଷୁମ ପାଣି ପିଅନ୍ତୁ। ଶରୀର ଡିହାଇଡ୍ରେଟ ହେବା ସହ ପେଟ ସଫା ହେବ।
ପାଚିଲା କଦଳୀ: ପ୍ରତିଦିନ ସକାଳେ ଖାଲିପେଟରେ ଗୋଟିଏ ପାଚିଲା କଦଳୀ ଖାଆନ୍ତୁ। ଏହାଖାଇବା ଦ୍ବାରା ପାଚନ ସମସ୍ୟା ଦୂର ହୋଇଥାଏ। କଦଳୀରେ ହାଇଫାଇଭର ଏବଂ ପ୍ରୋଟିନ ଯୋଗୁ ଶରୀର ଏବଂ ତ୍ବଚା ସତେଜ ରହିଥାଏ। ଏହାବ୍ୟତୀତ କଦଳୀରେ ଥିବା ଫାଇଭର ବ୍ଲଡ ସୁଗାରକୁ ନିୟନ୍ତ୍ରଣ ରଖିଥାଏ।
କିଶମିଶ: ଶୀତଦିନ ଆରମ୍ଭରୁ ହିଁ ଶରୀରର ରୋଗପ୍ରତିରୋଧକ ଶକ୍ତି ଦୁର୍ବଳ ହୋଇପଡ଼ିଥାଏ। ରୋଗପତିରୋଧକ ଶକ୍ତି ଦୁର୍ବଳ ହେବା କାରଣରୁ ଥଣ୍ଡା, କାଶ , ଜ୍ବର ଭଳି ରୋଗର ଶିକାର ହେବାକୁ ପଡ଼ିଥାଏ। ଏହିସବୁ ସମସ୍ୟାରୁ ବର୍ତ୍ତିବାକୁ ହେଲେ ସକାଳୁ କିଛି ବତୁରାଇଥବା କିଶମିଶ ଖାଆନ୍ତୁ। ଏଥିରେ ଇମ୍ୟୁନିଟି ଶକ୍ତି ବୃଦ୍ଧି ହୋଇଥାଏ। ଏଥିରେ ଥିବା ପୋଷକ ତତ୍ତ୍ବ ଏବଂ ପ୍ରୋଟିନ, ଭିଟାମିନ ବି ୬, କ୍ୟାଲସିୟମ ବ୍ୟାକ୍ଟେରିଆ ସଂକ୍ରମଣରୁ ଲଢ଼ିବାକୁ ସାହାଯ୍ୟ କରିଥାଏ।
ବାଦାମ: ଫାଇଭର, ଭିଟାମିନ ଇ, ମାଗ୍ନେସିୟମ, ମାଙ୍ଗାନିଜ, କପର, ଓମେଗା ୩, ଫାଟି ଏସିଡ ଏବଂ ଫସଫରସରେ ଭରପୁର ବାଦାମ ଆମ ଶରୀର ପାଇଁ ବେଶ ହିତକାରୀ। ସେଥିପାଇଁ ସକାଳେ ଖାଲିପେଟରେ ବାଦାମ ଖାଇଲେ ବହୁ ରୋଗରୁ ରକ୍ଷା ମିଳିପାରିବ। ସକାଳୁ ବାଦାମ ଖାଇବାଦ୍ବାରା ଡାଇବେଟିସ, ପିସିଓଡି ଏବଂ ନିଦ୍ରାହୀନତା ଭଳି ସମସ୍ୟା ଦୂର ହୋଇଥାଏ।
