ଡିକି ଭାଙ୍ଗି ୪୦ ହଜାର ଟଙ୍କା ଲୁଟ୍

ବୌଦ୍ଧ (ଭାର୍ଜନ ପ୍ରଧାନ ): ଡିକି ଭାଙ୍ଗି ୪୦ ହଜାର ଟଙ୍କା ଲୁଟ୍‌। ଘଟଣା ଘଟିଛି ବୌଦ୍ଧ ଜିଲ୍ଲା ଗାନ୍ଧି ଛକ ନିକଟରେ।

ଆଜି ସକାଳେ ଖୁଣ୍ଟିଆପଡ଼ା ଗାଁ ବଉଦି ବେହେରା ବ୍ୟାଙ୍କରୁ  ୪୦ ହଜାର ଟଙ୍କା ଉଠାଇ ଘରକୁ ଫେରୁଥିଲେ।  ତେବେ ବାଟରେ ଏକ ଲୁହା ଦୋକାନରୁ କିଛି କିଣିବା ପାଇଁ ଅଟକି ଥିଲେ।  ସେ ଦୋକାନରୁ କିଣାକିଣି କରୁଥିବା ବେଳେ ଦୁଇ  ଦୁର୍ବୃତ୍ତ ଡିକି ଭାଙ୍ଗି  ତାଙ୍କ ଟଙ୍କା ନେଇଯାଇଥିଲେ।

ଦୁଇ ଜଣ ଲୁଟେରା ଡିକି ଭାଙ୍ଗି  ଏହି ଟଙ୍କା ନେଇଯାଇଥିବା ଲୁହା ଦୋକାନରେ ଲାଗିଥିବା ସିସି ଫୁଟେଜରୁ ଜଣାପଡ଼ିଛି।  ଏନେଇ ବଉଦି ବେହେରା ଥାନାରେ ଅଭିଯୋଗ କରିଛନ୍ତି। ପୁଲିସ୍ ସିସିଟିଭି ଫୁଟେଜ ଆଧାରରେ ଘଟଣାର ତଦନ୍ତ କରୁଛି।