ସତ୍ୟଶିଖା (ବଲାଙ୍ଗିର) ୦୯.୦୩.୨୦୨୨: ବଲାଙ୍ଗିରର ବହୁଚର୍ଚ୍ଚିତ ଶିକ୍ଷୟିତ୍ରୀ ମମିତା ମେହେର ହତ୍ୟା ମାମଲା ପୁଣି ଚର୍ଚ୍ଚାକୁ ଆସିଛି । ଏହି ମାମଲାରେ କଣ୍ଟାବାଂଜି ଏଡିଜେ କୋର୍ଟରେ ହାଜର ହୋଇଛନ୍ତି ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ । ପ୍ରଥମ ଥର ପାଇଁ ଡ୍ରାଇଭର ରାଧେଶ୍ୟାମ ସହ ହାଜର ହୋଇଛନ୍ତି ଗୋବିନ୍ଦ ସାହୁ । ବଙ୍ଗୋମୁଣ୍ଡା ଜେଏମଏଫସି କୋର୍ଟରେ ଚାର୍ଜସିଟ ଦାଖଲ ପରେ ଆଜି ହେବ ଚାର୍ଜ ଫ୍ରେମ, ପରେ ମାମଲାର ପରବର୍ତ୍ତୀ ଶୁଣାଣି ଚଳିତ ମାସ ୨୧ରେ ହେବ । ଆଜିଠୁ ନ୍ୟାୟିକ ପ୍ରକ୍ରିୟା ଆରମ୍ଭ ହୋଇଯାଇଛି । ତେବେ ନିଜର ଓକିଲଙ୍କ ମଧ୍ୟ ପରିବର୍ତ୍ତନ କରିଛି ଗୋବିନ୍ଦ ।
ଅକ୍ଟୋବର ୮ ରେ ମମିତା ନିଖୋଜ ହୋଇଯାଇଥିଲେ। ତାଙ୍କ ନିଖୋଜ ପଛରେ ଗୋବିନ୍ଦ ସାହୁଙ୍କ ସମ୍ପୃକ୍ତି ଥିବା ଅଭିଯୋଗ କରି ମମିତାଙ୍କ ପରିବାର ସଦସ୍ୟ ପୋଲିସ ନିକଟରେ ଅଭିଯୋଗ କରିଥିଲେ। ଅକ୍ଟୋବର ୧୯ ରେ, ପୋଲିସ ଉପସ୍ଥିତିରେ ବିଦ୍ୟାଳୟର ଷ୍ଟାଡିୟମ ନିର୍ମାଣ ସ୍ଥାନରୁ ମମିତାଙ୍କ ଶରୀରର ଅସ୍ଥି ବାହାର କରାଯାଇଥିଲା।
ଏହି ଘଟଣାରେ ପ୍ରଧାନ ଅଭିଯୁକ୍ତଙ୍କ ସହ ଲିଙ୍କ ଥିବାରୁ ବିରୋଧୀ ବିଜେପି ଓ କଂଗ୍ରେସ ମନ୍ତ୍ରୀ ଦିବ୍ୟା ଶଙ୍କର ମିଶ୍ରଙ୍କ ଇସ୍ତଫା ଦାବି କରି ସାରା ରାଜ୍ୟରେ ବିରୋଧ ପ୍ରଦର୍ଶନ କରିଥିଲେ।
