ସତ୍ୟଶିଖା ୧୩ .୦୯.୨୦୨୦ : ଘରେ ଗଛଲତା ଲଗାଇବା ଶୁଭ ହୋଇଥାଏ । ବାସ୍ତୁଶାସ୍ତ୍ର ଅନୁସାରେ ଘରେ ଗଛଲତା ଲଗାଇବା ପାଇଁ ମଧ୍ୟ ଏକ ନିର୍ଦ୍ଧାରିତ ଦିଗ କୁହାଯାଇଛି । ବାସ୍ତୁରେ ଗୁରୁତ୍ବାକର୍ଷଣ,ସୂର୍ଯ୍ୟରୁ ବାହାରୁଥିବା ୭ଟି ରଙ୍ଗ ଏବଂ ପୃଥିବୀର ବୁଲିବାର ବେଗକୁ ଆଧାର କରାଯାଇଥାଏ । ବାସ୍ତୁ ଅନୁସାରେ କଣ୍ଟା ଯୁକ୍ତ ଗଛଲତା ଘରେ ଲଗାଇବା ଅନୁଚିତ୍ । ଯେଉଁ ଗଛ ଲତାର ପତ୍ର କିମ୍ବା ଡେମ୍ଫକୁ ଛିଣ୍ଡାଇବା ଦ୍ୱାରା କ୍ଷୀର ବାହାରିଥାଏ ସେଗୁଡ଼ିକ ଘରେ ଲଗାଇବା ଅନୁଚିତ୍ ।
ଗଛଲତାର ସମ୍ବନ୍ଧ ମଧ୍ୟ ବିଭିନ୍ନ ଗ୍ରହ ସହ ଥିବାର ଜଣା ଯାଇଥାଏ । ବହୁତ ଉଚ୍ଚ କିମ୍ବା ଲାଲ ଫଳଯୁକ୍ତ ଗଛର ସମ୍ବନ୍ଧ ସୂର୍ଯ୍ୟ ସହ ଥାଏ । କ୍ଷୀରଯୁକ୍ତ ଗଛ ଯେପରିକି ଅରଖ ଗଛ ଏଗୁଡ଼ିକର ସମ୍ପର୍କ ଚନ୍ଦ୍ର ସହ ରହିଥାଏ ।
- ଲତା ଏବଂ ବେଲର ସମ୍ବନ୍ଧ ଚନ୍ଦ୍ର ଏବଂ ଶୁକ୍ର ସହ ଥାଏ ।
- ବୁଦା ଏବଂ କଣ୍ଟାଯୁକ୍ତ ଗଛର ସମ୍ବନ୍ଧ ରାହୁ ଏବଂ କେତୁ ସହ ବୁଝା ଯାଇଥାଏ ।
- ଏହା ବ୍ୟତୀତ ସମସ୍ତ ଫଳଯୁକ୍ତ ଗଛର ସମ୍ବନ୍ଧ ବୃହସ୍ପତି ସହ ଥାଏ ।
- ଯେଉଁ ସ୍ଥାନରେ ତୁଳସୀ ଗଛ ରହିଥାଏ ସେଠାରେ ଭଗବାନ ବିଷ୍ଣୁଙ୍କ ବାସ ହୋଇଥାଏ ।
- ମନି ପ୍ଲାଣ୍ଟ ଏକ ଏପରି ଗଛ ଯାହା ଦ୍ୱାରା ଘର-ପରିବାରରେ ସବୁବେଳେ ଲକ୍ଷ୍ମୀ ରହିଥାନ୍ତି ।
- କଦଳୀ ଗଛକୁ ଈଶାନ କିମ୍ବା ଉତ୍ତରରେ ଲଗାଇବା ଦ୍ୱାରା ଘରେ ସୁଖ,ଶାନ୍ତି ଏବଂ ସମୃଦ୍ଧି ଆସିଥାଏ ।
- ଘରର ଦକ୍ଷିଣ ଏବଂ ପଶ୍ଚିମ କ୍ଷେତ୍ରରେ ଉଚ୍ଚ ବୃକ୍ଷ ଲଗାଇବା ଉଚିତ୍ ।
- ଯେଉଁ ବ୍ୟକ୍ତିଙ୍କୁ ଶନି ସହ ସମ୍ବନ୍ଧିତ ବାଧା ଦୂର କରିବାର ଥିବ ତାଙ୍କୁ ଶମି ଗଛ ଲଗାଇବା ଉଚିତ୍ ।
- ଘରର ଉତ୍ତର ଏବଂ ପୂର୍ବରେ କମ୍ ଉଚ୍ଚତା ବିଶିଷ୍ଟ ଗଛ ଲଗାଇବା ଉଚିତ୍ ।
- ଉତ୍ତରା,ସ୍ଵlତୀ,ହସ୍ତ,ରୋହିଣୀ ଏବଂ ମୂଳ ନକ୍ଷତ୍ରରେ ବୃକ୍ଷରୋପଣ କରିବା ଉଚିତ୍ । ଏପରି କରିବା ଦ୍ୱାରା ରୋପଣ ନିଷ୍ଫଳ ହୋଇନଥାଏ ।
