ସତ୍ୟଶିଖା ( ଭୁବନେଶ୍ୱର ) ୨୪.୦୭.୨୦୨୦ : ଓଲିଉଡ୍ ଷ୍ଟାର ସବ୍ୟସାଚୀ ଆଲବମ୍ ଓ ଯାତ୍ରା ନାୟିକା ରିଙ୍କିଙ୍କ ସଂଘର୍ଷର କାହାଣୀ ଗଣମାଧ୍ୟମରେ ପ୍ରକାଶ ପାଇବା ପରେ ସହାୟତାର ହାତ ବଢାଇଲେ l ଅସୁବିଧାର ଥିବା ବ୍ୟକ୍ତିଙ୍କ ସାଥି ସାଜିଛନ୍ତି ସବ୍ୟସାଚୀ । କରୋନା ଲକ୍ଡାଉନ୍ରେ ଫଶି ରହିଥିବା ହଜାର ହଜାର ଓଡ଼ିଆ ପ୍ରବାସୀଙ୍କୁ ସବ୍ୟସାଚୀ ସାହାଯ୍ୟ କରିଛନ୍ତି । ଅନ୍ୟ ରାଜ୍ୟରେ ଫଶି ରହିଥିବା ପ୍ରବାସୀଙ୍କୁ ଓଡ଼ିଶାକୁ ଫେରାଇ ଆଣି ସେ ପ୍ରଶଂସା ସାଉଁଟିଛନ୍ତି । ଖାଲି ସେତିକି ନୁହେଁ ବିଦେଶ ଅର୍ଥାତ ଦୁବାଇରେ ରହୁଥିବା ଓଡ଼ିଆ ଲୋକଙ୍କୁ ମଧ୍ୟ ସେ ଓଡ଼ିଶାକୁ ଫେରାଇ ଆଣିଛନ୍ତି । କୌଣସି ସ୍ଵର୍ଥ ନ ରଖି କରୋନା ଲକ୍ଡାଉନ୍ରେ ଅହରହ ଲୋକମାନଙ୍କୁ ପାଇଁ କାମ କରୁଥିବା ସବ୍ୟସାଚୀ ବିଭିନ୍ନ ମହଲରେ ପ୍ରଶଂସା କରାଯାଉଛି । ତେବେ ନିଜ କ୍ୟାରିଅର ଆରମ୍ଭର ନାୟିକା ସାଜିଥିବା ସାଥି କଳାକାର ପାଇଁ ଆଜି ସେ ଦେବଦୂତ ସାଜିଚନ୍ତି । ଆଲବମ୍ ଓ ଯାତ୍ରା ଜଗତର ନାୟିକା ରିଙ୍କି ଏକଦା ତାଙ୍କ ଆଲବମରେ ନାୟିକା ଥିଲେ । କିନ୍ତୁ ଏବେ ସେ ଅସୁବିଧାରେ ରହିଛନ୍ତି । ଫଳ ଓ ପରିବା ବିକ୍ରି କରି ପରିବାରର ରୋଗଗ୍ରସ୍ତ ମାଆ ଓ ପଙ୍ଗୁ ହୋଇଥିବା ବାପାଙ୍କ ଖର୍ଚ୍ଚ ଉଠାଇବାକୁ ଉଦ୍ୟମ କରୁଛନ୍ତି ।
ଏହି ଖବର ଗଣମାଧ୍ୟମରେ ପ୍ରକାଶ ପାଇବା ପରେ ସବ୍ୟସାଚୀ ରିଙ୍କି ସହ ଯୋଗାଯୋଗ କରି ସହାୟତାର ହାତ ବଢାଇଛନ୍ତି । ଏପରିକି ଭିଡିଓ କଲ୍ ଜରିଆରେ ପରିବାରର ସମସ୍ତଙ୍କ ସହ କଥା ହେବା ସହ ରିଙ୍କିଙ୍କୁ ଧୈର୍ଯ୍ୟର ସହ ଲଢେଇ କରିବାକୁ ପରାମର୍ଶ ଦେବା ସହ ତାଙ୍କ ସହ ନିଜେ ଅଛନ୍ତି ବୋଲି କହିଛନ୍ତି । ତାଙ୍କ ଭିଡିଓ କଲରେ ପରସ୍ପର କେତେ ଭାବୁକ ହୋଇ ପଡୁଥିଲେ ତାହା ସ୍ପଷ୍ଟ ବାରି ହୋଇ ପଡୁଥିଲା । ତଥାପି କରୋନା ଲକ୍ଡାଉନ୍ର ପ୍ରଥମ ଦିନରୁ ଏଯାବତ୍ ଲୋକମାନଙ୍କ ସେବାରେ ସବ୍ୟ ନିଜକୁ ନିୟୋଜିତ କରି ରଖିଛନ୍ତି । ତାଙ୍କର ଏଭଳି କାର୍ଯ୍ୟ ଦେଖି ସୋସିଆଲ ମିଡିଆ ୟୁଜର୍ସମାନେ ତାଙ୍କୁ ଭୁରି ଭୁରି ପ୍ରଶଂସା କରୁଛନ୍ତି ।
