ସତ୍ୟଶିଖା (ଢେଙ୍କାନାଳ) ୨୨/୧୦/୨୦୨୦ : ଅଜଗର ସାପ ଉଦ୍ଧାର । ଢେଙ୍କାନାଳ ସହରର ଜନଗହଳିପୂର୍ଣ୍ଣ ଅଂଚଳ କୁହାଯାଉଥିବା କୁଞ୍ଜକାନ୍ତ ଇନକମ ଟାକ୍ସ ଅଫିସ ନିକଟରୁ ଏହି ଅଜଗର ସାପକୁ ସ୍ଥାନୀୟ ବାସିନ୍ଦା ଦେଖିଥିଲେ । ସାପ ଉଦ୍ଧାରକାରୀ ଦଳ ବନ୍ୟକ ଟିମର ସଦସ୍ୟ ଜିତୁ ମହାନ୍ତି ଖବର ପାଇ ସେଠାରେ ପହଞ୍ଚି ଉକ୍ତ ସାପକୁ ଡ୍ରେନରୁ ଉଦ୍ଧାର କରିଥିଲେ । ପରେ ଉକ୍ତ ସାପକୁ ବନ କର୍ମଚାରୀଙ୍କୁ ହସ୍ତାନ୍ତର କରିଥିଲେ । ସେହି ସାପଟି ଏକ ରକ୍ ପାଇଥନ ଶ୍ରେଣୀର ବୋଲି ଜଣାପଡିଥିଲା । ପାଖ ପାଣି ଓହଲା ପାହାଡ଼ରୁ ଉକ୍ତ ସାପଟି ପଳାଇ ଆସିଥିବା ଅନୁମାନ କରାଯାଉଛି । ପରେ ବନ କର୍ମଚାରୀମାନେ ସାପକୁ ନେଇ ଜଙ୍ଗଲରେ ଛାଡି ଦେଇଥିଲେ ।
