ସତ୍ୟଶିଖା(ଯାଜପୁର ) ୨୩.୧୨.୨୦୨୧: ଯାଜପୁର ଜିଲ୍ଲାର ଅନେକ ଅସହାୟ ବୁଡ଼ା ବୁଡି ନା ବାଳକ ବାଳିକା ଷ୍ଟେସନ ରାସ୍ତା କଡ ରେ ଖରା ବର୍ଷା ଶୀତ କାକର ଦିନ ବିତାଉ ଛନ୍ତି ସେମାନଂକୁ ଆହା କରିବାକୁ କାହାରି ନଜର ପଡ଼ୁ ନାହିଁ l ସେମାନ ପାଇଁ.ସରକାରୀ ଯୋଜନା ସାତ ସ୍ୱପ୍ନ ଏହାର ଏକ ଦୃଷ୍ଟାନ୍ତ ଦେଖିବାକୁ ମିଳିଛି ଯାଜପୁର ରୋଡ ସହରରେ ଅସହ୍ୟ ଜାଡରୁ ରକ୍ଷାପାଇବା ପାଇଁ ନହକା ଦଳା ବାଇପାସ କଡ଼ରେ ଥିବା ବସ୍ତିରେ ଅସହାୟ ବୃଦ୍ଧବୃଦ୍ଧାମାନଙ୍କୁ ଶିକ୍ଷାବିତ ଅଶ୍ଵିନୀ କୁମାର ଦାସ ଓ ତାଙ୍କ ସହଧର୍ମିଣୀ ମିନାକ୍ଷୀ ମଞ୍ଜିରୀ ଦାସ କମ୍ୱଳ ବଣ୍ଟନ କରୁଥିବାବେଳେ ଜଣେ ଜୀର୍ଣ୍ଣଶିର୍ଣ୍ଣ ରୋଗାକ୍ରାନ୍ତ ବୃଦ୍ଧା ଘସୁରି କରି ଯାଉଥିବା ନଜରକୁ ଆସିଥିଲା।
ତତ୍କ୍ଷଣାତ ଶ୍ରୀ ଦାସ ଓ ତାଙ୍କ ପତ୍ନୀ ଅଟୋ ଯୋଗେ ତାଙ୍କୁ ଯାଜପୁରରୋଡ ଡାକ୍ତରଖାନାକୁ ନେଇ ଚିକିତ୍ସା କରାଉଛନ୍ତି। ଉକ୍ତ ବୃଦ୍ଧାଙ୍କର କେହି ସହାୟକ ନ ଥିବାରୁ ଉଭୟ ପତିପତ୍ନୀ ତାଙ୍କ ପାଖରେ ରହି ସମସ୍ତ ସେବାକାର୍ଯ୍ୟ କରୁଛନ୍ତି। ଗତ ଶୁକ୍ରବାରଠାରୁ ସେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି, ରକ୍ତହୀନତା ଯୋଗୁଁ ରକ୍ତ ନେବାକୁ ପଡୁଛି ।
ତାଙ୍କର ସମସ୍ତ ପରୀକ୍ଷା ନିରିକ୍ଷା ପରେ ସେ ଯକ୍ଷ୍ମା ରୋଗରେ ପୀଡିତ ବୋଲି ଡାକ୍ତର କହିଛନ୍ତି । ବୃଦ୍ଧାଙ୍କର ନାମ ମାନିନୀମୁଣ୍ଡା ଓ ତାଙ୍କର ସ୍ଵାମୀ ରଣଜୀତମୁଣ୍ଡା ଜଣେ ସମ୍ପୁର୍ଣ୍ଣ ଅନ୍ଧ ବ୍ୟକ୍ତି । ପ୍ରତିଦିନ ରାସ୍ତା ଉପରେ ଠିଆହୋଇ ଭିକ୍ଷାବୃତ୍ତି କରିଥାନ୍ତି। ଘର ଖଣ୍ଡେ ନଥିବାରୁ ପଲିଥିନ ତଳେ ଦିନ କାଟିଥାନ୍ତି । ସୂଚନା ଥାଉ କି ଅସହାୟକୁ ସାହା ଦେବା ପାଇଁ ଶ୍ରୀ ଦାସ ଏନ.ସି. ହାଇସ୍କୁଲରୁ ଅବସର ନେଲା ପରେ ବିଭିନ୍ନ ସେବାମୂଳକ କାର୍ଯ୍ୟରେ ନିଜକୁ ନିୟୋଜିତ ରଖୁଛନ୍ତି। ନିଜର ପେନସନ ଅର୍ଥର ଏହି ସବୁ କାର୍ଯ୍ୟ ସମ୍ପାଦନ କରୁଛନ୍ତି।
