ସତ୍ୟଶିଖା ୦୮/୦୧/୨୦୨୧ : ବିବାହିତ ଆଦିବାସୀ ମହିଳାଙ୍କୁ ଗଣଦୁଷ୍କର୍ମ ଘଟଣା । ମାମଲାରେ ପୋଲିସ ୪ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତଙ୍କ ମଧ୍ୟରେ ଜଣେ ନାବାଳକ ଥିବାର ସୂଚନା ରହିଛି । ଯାହାର ବୟସ ପ୍ରାୟ ୧୭ବର୍ଷ ହେବ ବୋଲି ସୂଚନା ରହିଛି । ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
ଖବର ଅନୁଯାୟୀ, ଗତ ୫ତାରିଖରେ ବାରିପଦା ସଦର ଥାନା ରାଜାବସା ନିକଟରେ ଥିବା ବାଉରା ଗାଁରେ ଗଣଦୁଷ୍କର୍ମ ଘଟଣା ଘଟିଥିଲା । ଜଣେ ବିବାହିତ ମହିଳାଙ୍କୁ ସଂଧ୍ୟା ସମୟରେ ଏକ ଟାଟା ଏସିଇରେ ୪ଜଣ ଅଭିଯୁକ୍ତ ଉଠାଇ ନେଇଥିଲେ । ଏବଂ ଏହାପରେ ମହିଳାଙ୍କୁ ତଖତପୁର ଆରଏମ୍ସି ମାର୍କେଟ ପଡିଆରେ ଗଣଦୁଷ୍କର୍ମ କରିଥିଲେ । ଯାହାକୁ ନେଇ ଟାଉନ ଥାନାରେ ପୀଡିତାଙ୍କ ପକ୍ଷରୁ ଅଭିଯୋଗ କରାଯାଇଥିଲା । ଏନେଇ ପୋଲିସ ଛାନ୍ଭିନ୍ ଆରମ୍ଭ କରି ୪ଜଣ ଅଭିଯୁକ୍ତଙ୍କୁ ଗିରଫ କରିବାରେ ସକ୍ଷମ ହୋଇଛି ।
ତେବେ ଗିରଫ ହୋଇଥିବା ଅଭିଯୁକ୍ତମାନେ ହେଲେ ମୟୂରଭଞ୍ଜ ଜିଲ୍ଲା କାଳିକାପୁରର ରାଜୁ ସିଂ(୩୦), ତଖତପୁର କାହ୍ନା ନାଏକ (୨୪), ମୁନ୍ନା ହାଁସଦାଃ(୧୯) ଏବଂ ଜଣେ ନାବାଳକ ଯାହାର ବୟସ ୧୭ବର୍ଷ । ଏହାସହିତ ଦୁଷ୍କର୍ମରେ ବ୍ୟବହୃତ ଟାଟା ଏସିଇ ଗାଡିକୁ ମଧ୍ୟ ପୋଲିସ ଜବତ କରିଛି । ସେପଟେ ପୀଡିତାଙ୍କ ୧୬୧ରେ ବୟାନ ରେକର୍ଡ କରାଯାଇଛି । ଉକ୍ତ ବୟାନକୁ ମଧ୍ୟ ଭିଡିଓଗ୍ରାଫି କରାଯାଇଛି । ସେହିପରି ପୀଡିତାଙ୍କୁ ନିକଟସ୍ଥ ପିଆରଏମ୍ ମେଡିକାଲ କଲେଜରେ ଚିକିତ୍ସା କରାଯାଉଛି ।
