ସତ୍ୟଶିଖା (ବେଙ୍ଗାଲୁରୁ) ୦୬.୧୦.୨୦୨୦ : ଆମାଜନ ଡଟ୍ ଇନ୍ ମଙ୍ଗଳବାର ‘ଗ୍ରେଟ୍ ଇଣ୍ଡିଆନ ଫେଷ୍ଟିଭାଲ’ ଘୋଷଣା କରିଛନ୍ତି । ଭାରତରେ ୧୭ ଅକ୍ଟୋବର ୨୦୨୦ରୁ ଏହି ଫେଷ୍ଟିଭ୍ ଇଭେଣ୍ଟ ଆରମ୍ଭ ହେବ ବୋଲି କମ୍ପାନୀ କହିଥିବା ବେଳେ ଗତବର୍ଷମାନଙ୍କ ଭଳି ଚଳିତବର୍ଷ ମଧ୍ୟ ଗ୍ରାହକଙ୍କୁ ଅଫର ଓ ବିପୁଳ ରିହାତି ପ୍ରଦାନ କରାଯିବ ବୋଲି ସୂଚିତ କରିଛନ୍ତି । ପ୍ରାଇମ୍ ମେମ୍ବର୍ସଙ୍କୁ ଏହି ସେଲରେ ୧୬ ଅକ୍ଚୋବରରୁ ଅର୍ଲି ଏକ୍ସେସ୍ ମିଳିବ । ଇଭେଣ୍ଟରେ ଚଳିତବର୍ଷ ଗ୍ରାହକଙ୍କୁ ସ୍ମଲ ଏଣ୍ଡ ମିଡିୟମ ବିଜନେସ୍ (ଏସଏମବି) ପ୍ରଡକ୍ଟସର ବିସ୍ତୃତ ବର୍ଗମାଳା ଉପଲବ୍ଧ କରାଯିବ ବୋଲି କମ୍ପାନୀ ପକ୍ଷରୁ କୁହାଯାଇଛି । ଯାହାଦ୍ୱାରା କୋଭିଡ କାଳରେ କାରବାର ହରାଇଥିବା ଏସଏମବି ସେକ୍ଟର କିଛିଟା ଉପକୃତ ହୋଇପାରିବେ ବୋଲି ଆମାଜନ ଆଶାବ୍ୟକ୍ତ କରିଛନ୍ତି । ତେବେ ଆସନ୍ତୁ ୭ଟି ପଏଣ୍ଟରେ ଜାଣିବା ‘ଗ୍ରେଟ୍ ଇଣ୍ଡିଆ ଫେଷ୍ଟିଭାଲ ସେଲ୍’ର ବିସ୍ତୃତ ତଥ୍ୟ ।
ପ୍ରଥମତଃ ଆମାଜନ ଗ୍ରେଟ ଇଣ୍ଡିଆ ଫେଷ୍ଟିଭାଲ ସେଲ ସାରା ଦେଶରେ ଅକ୍ଟୋବର ୧୭ ତାରିଖରୁ ଆରମ୍ଭ ହେବ । ତେବେ ପ୍ରାଇମ ମେମ୍ବର୍ସ ସବୁ ବର୍ଷଭଳି ଚଳିତବର୍ଷ ୨୪ ଘଣ୍ଟା ପୂର୍ବରୁ ଅର୍ଥାତ ଅକ୍ଟୋବର ୧୬ ତାରିଖରେ ଫାଷ୍ଟ ଆକ୍ସେସ୍ ପାଇବେ । ଦ୍ୱିତୀୟତଃ ଏହି ସେଲରେ ସାଢେ ୬ଲକ୍ଷରୁ ଅଧିକ ସେଲର ଆମାଜନ ଡଟ୍ ଇନରେ ସେମାନଙ୍କ ୪କୋଟିରୁ ଅଧିକ ପ୍ରଡକ୍ଟ ଉପସ୍ଥାପନର ସୁଯୋଗ ପାଇବେ । ଏହାଛଡା ଦେଶର ୧୦୦ଟି ସହରର ୨୦ ହଜାରରୁ ଅଧିକ ସ୍ଥାନୀୟ ଦୋକାନରୁ ଏହି ସବୁ ସାମଗ୍ରୀ କାରବାର ହେବ ।
ଚଳିତବର୍ଷ ଗ୍ରାହକ ଶୀର୍ଷ ବ୍ରାଣ୍ଡର ୯ଶହରୁ ଅଧିକ ପ୍ରଡକ୍ଟ ଦେଖିବାକୁ ପାଇବେ । ସେହିପରି ଗ୍ରାହକ ନିଜ ପସନ୍ଦର ୬ଟି ଭାଷା ଇଂରାଜୀ, ହିନ୍ଦୀ, ତାମିଲ, ତେଲଗୁ, ମାଲାୟଲମ ଓ କନ୍ନଡ ମଧ୍ୟରୁ ଯେ କୌଣସି ଗୋଟିଏ ଭାଷାରେ କିଣାକିଣି କରିପାରିବେ । ଏଥିରେ ନବରାତ୍ରି, ଦୁର୍ଗାପୂଜା, ବିବାହ ଓ ଧନତେରସ ଲାଗି ଖାସ କଲେକ୍ସନ ଉପଲବ୍ଧ ହେବ । ଏଚଡିଏଫସି ଡେବିଟ୍ ଓ କ୍ରେଡିଟ୍ କାର୍ଡ ଯୋଗେ କିଣାକିଣି କଲେ ଗ୍ରାହକ ୧୦ ପ୍ରତିଶତ ୧୦ ପ୍ରତିଶତ ଇନଷ୍ଟାଣ୍ଟ ଡିସ୍କାଉଣ୍ଟ ସାଙ୍ଗକୁ ଡେବିଟ୍ ଓ କ୍ରେଡିଟ୍ କାର୍ଡରେ ନୋ କଷ୍ଟ ଇଏମଆଇ ଆଦି ସୁବିଧା ମଧ୍ୟ ଉପଲବ୍ଧ କରିପାରିବେ । ଏହା ଛଡା ଆମାଜନ ପେ ଗିଫ୍ଟ କାର୍ଡ ଉପଯୋଗ କଲେ ୧୦ ହଜାର ଟଙ୍କା ପର୍ଯ୍ୟନ୍ତ ଡେଲି ସପିଙ୍ଗ ରିୱାର୍ଡ ମଧ୍ୟ ଜିତି ପାରିବେ ।
