ଭୁବନେଶ୍ୱର (ସତ୍ୟଶିଖା): କୋଭିଡ୍ କିଟ୍ କେଳେଙ୍କାରୀ ପ୍ରସଙ୍ଗରେ ଚେତିଲେ ସରକାର। ପର୍ଚେଜ୍ କମିଟି ମୁଖ୍ୟ ପଦରୁ ହେମନ୍ତ ଶର୍ମାଙ୍କୁ ରାଜ୍ୟ ସରକାର ଅବ୍ୟାହତି ଦେଇଛନ୍ତି। ଅର୍ଡର ଦେଇ କରୋନା ମୁକାବିଲା ସରଞ୍ଜାମ ଗ୍ରହଣ ନଥିଲେ। ଏ ନେଇ ଗଣମାଧ୍ୟମରେ ଖବର ପ୍ରକାଶ ପାଇବା ପରେ ଅକଳରେ ପଡ଼ିଥିଲେ ସରକାର। ଯେଉଁଥିପାଇଁ ପର୍ଚେଜ୍ କମିଟି ମୁଖ୍ୟ ପଦରୁ ତାଙ୍କୁ ବିଦା କରିଛନ୍ତି ରାଜ୍ୟ ସରକାର।
ଅର୍ଡର ମୁତାବକ ଆସିଥିବା ୨ ଟ୍ରକ୍ ମାସ୍କ, ୨ ଟ୍ରକ୍ ସାନିଟାଇଜର, ୧ ଟ୍ରକ୍ ଭେଣ୍ଟିଲେଟର ଫେରାଇଥିଲେ। ୨୯ ଟ୍ରକ୍ PPE କିଟ୍ ଗ୍ରହଣ କରିଥିଲେ।
ଆହୁରି ପଢ଼ନ୍ତୁ
ଏହାକୁ ନେଇ ସରକାରଙ୍କ ଉପରେ ବର୍ଷିଥିଲେ ବିଜେପି ଓ କଂଗ୍ରେସ। ମୂଳରୁ ନ ଉପାଡ଼ିଲେ ଏ ସରକାରରୁ ଦୁର୍ନୀତି ଛାଡ଼ିବ ନାହିଁ ବୋଲି ବିଜେପି ଦଳର ରାଜ୍ୟ ସଂପାଦିକା ଲେଖାଶ୍ରୀ ସାମନ୍ତ ସିଂହାର କହିଥିଲେ। ଅନ୍ୟପକ୍ଷରେ କଂଗ୍ରେସ ସିବିଆଇ ତଦନ୍ତ ପାଇଁ ଦାବି କରାଯାଇଛି।
ସେପଟେ ବିଜେଡି କହିଛି, ଯଦି ହେମନ୍ତ ଶର୍ମାଙ୍କ କ୍ଷେତ୍ରରେ ଦୁର୍ନୀତିର ଗନ୍ଧ ଥିବ, ସରକାର ନିଶ୍ଚିତ ତଦନ୍ତ କରାଇବେ ଓ କାର୍ଯ୍ୟାନୁଷ୍ଠାନ ନେବେ ।
